Fedarigh I Gonzaga
El Fedarigh I Gonzaga (25 giugn del 1441 – 14 de luj del 1484) l’è staj marches de Mantoa del 1478 al 1484. A l’era ancasì un condutee.
Nassuu a Mantoa ’me el fiœu del Lodovigh III e de la Barbara del Brandeburgh,[1] l’era un amison del Mantegna.
L’ha scombatuu insema ai Sfòrza de Milan infina al 1470, e l’è suzzeduu al marchesaa el 14 de giugn del 1478.[2] L’è indaj inanz a scombatt ’me condutee e l’ha tòlt part a un bell poo de azzion de defesa del Ducaa de Milan, in partigolar contra la Republega de Venezzia.
L’è mòrt a Mantoa a l’etaa de 43 agn, e l’è staj interraa ind la gesa de Sant Andreja.