Faravost

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
L'Assonzion de la Madonna in d'on quader del Tizzian. L'è l'episodi che 'l ven regordaa de la Gesa Catolega el dì de Faravost.

Faravost (in manera pussee italianizada: Feragost), ciamaa anca la Madonna (de agost) l'è ona festa de origin popolar de l'Italia e de San Marin. El dì de Faravost a l'è 'l quindes de agost.

Storia[Modifega | mudìfica 'l sorgènt]

El nomm el riva del latin Feriæ Augusti: de fatti la regorda la festa che l'aveva miss in pee l'imperador August in del 18 p.d.S.: l'intent de l'imperador l'era quell de mett insemma i vari fest de agost per fà su on period per possà. In orgin el dì de Faravost l'era el primm de quell mes lì.
Quand gh'è rivaa el Cristianesem, la Gesa l'ha spostaa la festa al quindes, per ligàlla con la celebrazzion de l'Assonzion de la Madonna. Per la religion catolega, quella de Faravost l'è ona festa de precett, cioè vun de quei dì che per on fedee a l'è obligatori andà a messa.
Al dì d'incoeu l'è on dì de vacanza, e normalment el se dopera per andà foeura de la soa città per fà on disnà in campagna, opura per fà on girett in de 'n oltra città, o per fà el bagn al mar.

In Südtirol el quindes de gost de cognossuu cont el nomm de Mariä Himmelfahrt cioè 'l dì che mader der Signor l'è sgorada su in ciel e l'è stata tolta dent in Paradis.

Usanz[Modifega | mudìfica 'l sorgènt]

Dà el faravost[Modifega | mudìfica 'l sorgènt]

In Lombardia on temp se usava dà el faravost: in sostanza, i padroni ghe daven on poo de danee ai sò lavorador per podè god de la giornada de vacanza.

Varda anca[Modifega | mudìfica 'l sorgènt]