Lentegh

De Wikipedia
(Rimandad de Fantasma)
Lumbard ucidental Quest articol chì l'è scrivuu in lombard, grafia milanesa.


Ind i credenz popolar, on lentegh[1] l’è l’anima o l’ispiret de ona personna morta che el pœu comparìggh ai viv ind ona manera visibila o intravers dij olter formi o manifestazion. I descrizion de quij inconter chì varien a segonda di fœusg ai quaj i lentegh a se manifesten. El tentativ volontari de contattà l’ispiret de on mort l’è cognossuu ‘me necromanzia, o internazionalment coma séance (ona “settada spiritega”) ind l’ispiritesim.

La credenza ind i manifestazion spirituaj di mort l’è ben communna, degià che l’animesim el gh’ha i sò radis ind i cultur e prategh preistoregh. Di prategh religios determinaa – ritt funerari, esorzesim, e ona quaj oltra pratega ligada a l’ispiritesim e a la magïa – hinn spezialment dovraa per sodisfà e pasentà i spiret di mort. I lentegh per el solet vegnen descrivuu coma di presenz solitari che impesten on sitt, on ogett o ona personna particolara a la qual i eren ind ona quaj manera ligaa quand che eren anmò viv.[2][3]

Referenz[Modifega | modifica 'l sorgent]

  1. Francesco Cherubini, Vocabolario milanese-italiano, 1843, Vol. 4 pag. 361
  2. Christina Hole. Haunted England. Londres: Batsford (1950)
  3. Daniel Cohen. Encyclopedia of Ghosts. Londres: Michael O' Mara Books (1994)

Olter progett[Modifega | modifica 'l sorgent]