Fabio Rolfi

De Wikipedia
Lombard Quest articol chì l'è scrivud in lombard, con la Noeuva Ortografia Lombarda

Ol Fabio Rolfi (Bressa, 3 de november 1977, conossit anch col scotoeum de Rufus) a l'è 'n politegh italian, assessor a l'agricoltura, alimentazzion e sistema verd de la Region Lombardia del 2018 al 2023.

Biografia[Modifega | modifica 'l sorgent]

Diplomad perit agrari e laured in economia, l'ha taccad a fà politega a 17 agn en la Liga Nord e l'ha poeu lavorad 'me consulent privad 'n del camp bancari e creditizzi.

'N del 2003 l'è elesgid consejer a la sesta circoscrizion de Bressa e l'è president del consili local fina al 2008, e in l'istess period l'è secretari citadin de la Liga e del 2007 al 2013 l'è consejer nazzional de la Liga Lombarda. 'N del 2008 a l'è el pioeu votad a Bressa e l'è donca fad vizesindegh, coi deleghe a la sigurezza, a la polizzia local, al trafegh e a la mobilità. Issè gh'ha fad sgomberà con la ruspa en presidio de forester senza diga nient a nissun e issè 'l gh'ha blocad per do setimane el canter de la metrò de San Faustin. Gh'ha anca fad en ordinanza contra de le bici ligade ai palecc del centro. Del 2011 al 2013 l'è nomenad secretari provincial de la Liga a Bressa e in del 2013 l'è elesgid al Consej Regional Lombard e 'l se dimet donca di incaregh bressan.

Rielesgid in del 2018, l'è fad assessor a l'agricoltura, e in del 10 de marz 2023 l'è sostituid de l'Alessandro Beduschi.

Riferimencc[Modifega | modifica 'l sorgent]