Fà per Fermà el Declin
| Fare per Fermare il Declino | |
|---|---|
| Guida | Oscar Giannino |
| Coordinador | Michele Boldrin |
| Stat |  |
| Fondazion | 27 de agost 2012 |
| Desligazion | magg 2014 |
| Ideolojia | Liberalism, Europeism |
| Collocazion | center-destra |
| Coalizion | Scelta Europea |
| Partid europee | ALDE |
| Inscrivids | 72.583 (2015) |
| Color | Ross |
| $fine | |
Fà per Fermà el Declin (Fare per Fermare il Declino in italian) a l'è staa on partii politegh italian de orientament liberal/europeista nassuu in del 2012.
Storia[Modifega | modifica 'l sorgent]
La nassita[Modifega | modifica 'l sorgent]
El 28 de luj del 2012 a l'è lanziaa el moviment Fermà el Declin quand che on grupp de economista e intellettuaj compost de Oscar Giannino, Michele Boldrin, Sandro Brusco, Alessandro De Nicola, Andrea Moro, Carlo Stagnaro e Luigi Zingales el publega, a pagament, on manifest programmatich liberal e liberista in su ses quotidian.
El 8 de dicember el deventa on partii politegh organizzaa che 'l ved el Giannino 'me sò candidaa premier e che 'l voeur fà no di lianz.
El cas Giannin[Modifega | modifica 'l sorgent]
El 18 de febrar 2013 el promotor Zingales el lassa polemicament el partii e l'ha accusaa el leader Giannino de 'vègh on master in sul curriculum che l'ha mai avuu. Anca se Giannino l'ha dii che l'era domà on error in del curriculum l'ha nonziaa i dimission e, se elett, de lassà el sò scagn a disposizion del Partii.
Elezion e fin[Modifega | modifica 'l sorgent]
Ai elezion nazionai, regionai e provinciai ciappen nissun reppresentant perchè superen no i sbarrament. El partii el va donca in crisi, e in del 2014 la finiss la soa attività politega.
Ideologia[Modifega | modifica 'l sorgent]
El progett de Fare per Fermare il Declino el prevedeva la reduzion del debit publegh del 20% del PIL in cinch agn, de la spesa publega de almèn el 6% e de la pression fiscala de almèn el 5%, oltra a l'introduzion del federalism, de 'na riforma universitaria e di liberalizzazion e di privatizzazion.
Resultaa elettorai[Modifega | modifica 'l sorgent]
| Vot | % | Segg | ||
|---|---|---|---|---|
| Politegh 2013 | Cambra | 380 756 | 1,12 | 0 |
| Senad | 278 396 | 0,90 | 0 | |
| Europee 2014 | in Scelta Europea | 0 |
A bon cunt el gh'ha avuu in Parlament, senza on grupp propi, el Santo Versace, sortii de il Popolo della Libertà e entraa in Fare.