Esco Dal Mio Corpo E Ho Molta Paura (gli inediti 1979-1986)

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
Esco dal Mio Corpo E Ho Molta Paura (gli inediti 1979-1986)
Album in Studi
Surtii 1993
Gener rock
Furmaa CD
Dürada 70:55 min.
Cà discugrafiga Hukapan/Sony Music
crunulugia di album de Elio e le Storie Tese
Italyan, Rum Casusu Çikti
(1992)
Eat the Phikis
(1996)
Wikiquote-logo.svg
«Ma perchè non prosüghen el Zelig
e non fanno un monumento a Elio e le Storie Tese?»
(Zelig: la cunesiùn del pulpàcc)

Esco dal mio corpo e ho molta paura l'è on disch del grupp milanes Elio e le Storie Tese, sortii in del 1993. El CD el contegn on mugg de vegg canzon del grupp, quij che cantaven in di primm agn '80, quand faseven i lor esibizion in di locai còmich milanes come el Zelig ò el Magia e aveven nanca mò faa nanca on disch (el primm l'hann faa domà in del 1989).

Lista di canzon[Modifega | mudìfica 'l sorgènt]

  1. Ùnanimi 1:21
  2. Noi siamo i giovani (con i blue jeans) 3:00
  3. Catalogna 3:06
  4. Abbecedario 3:22
  5. Cadavere spaziale 4:13
  6. Zelig: cunesiùn del pulpàcc 3:35
  7. La saga di Addolorato 9:56
  8. La ditta 3:57
  9. Ocio ocio 4:21
  10. You 2:41
  11. 1:06
  12. Faro 3:48
  13. (Gomito a gomito con l') Aborto 3:58
  14. Né carne né pesce 7:44
  15. Sono Felice 4:41
  16. Amico Uligano 4:14
  17. Ho molta paura 3:34

Curiositaa[Modifega | mudìfica 'l sorgènt]

  • Ùnanimi, voeuna di canzon doprada per avrì i concert in di ann '80, l'è cantada senza i strument. Ghe canten tucc i member del grupp, ciaschedun cont ona pròppia stròfa: ma el pont a l'è che, a differenza de Alfieri ò de L'Indianata, i stròf a hinn sorappòst voeuna aj alter, inscì che 'l se capiss nagòtt.
  • Zelig: la cunesiùn del pulpàcc l'è dedicada al local Zelig e l'è cantada in d'ona sòrta de milanes on poo macherònich (per esempi: qüesta sera sün propri trist/ vöri far trì pass a pèd/ vöri andar in qüel bel lügal/ döv se rid e se sta minga mal). Nissun di member del grupp el sona el pròpri strument.
  • La saga di Addolorato l'è la canzon pussee longa de tutta la produzion musegal del grupp (quas des mignuu). La gh'hà minga on test precis, ma tutt i voeult quest chì el vegn improvisaa. La fa part donca del quel gener musegal che i Elio e le Storie Tese ciamen gezz, che a diferenza del jazz, l'improvisa minga la musega, ma i paròll. A bon cunt, la parla de la trista stòria del giovin Addolorato che 'l vegn maltrataa di sò noeuf fradei (che hinn tucc pussee vegg de lù de vint ann e che se ciamen Cino, Dino, Gino, Lino, Mino, Nino, Pino, Rino e Tino). A la fin l'Addolorato el crea el grupp jazz Joy Division e 'l troeuva on mucc de moros (menter i sò fradei inveci nò).
  • In (Gomito a gomito con l') Aborto el canta anca l'Antonio Cripezzi del grupp I Camaleonti.
  • Sono Felice, parodia de ona canzon scrivuda del Ron e cantada de la Milva, l'è dedicada al ciclista Felice Gimondi.
  • Amico Uligano l'era la sigla de Mai dire gol del 1992. Tra quij che canten in del còr gh'è anca l'Alex Baroni.
  • Ho molta paura l'è on medley de vegg canzon registraa on live di primm concert del grupp che 'l finiss con di messagg telefònich menacios lassaa de ona sciora (ciamada Nasty Sciura del grupp) al pianolista Rocco Tanica.

Legamm de foeura[Modifega | mudìfica 'l sorgènt]