Emilio Morosini
L'Emili Morosini (Vares, 1831 - Roma, 30 giugn/1 luj 1849) l'è staa on patriòta talian.
Biografia[Modifega | modifica 'l sorgent]
L'Emili a l'era el fioeu de 'l nobil luganes Giambattista Morosini e de la tosa de l'ambassador svizzer in Francia, l'Emilia Zeltner, che a s'eren traduu da 'l Canton Tisin a Vares. Unich mas'c cont cinqu sorej (la Luigia, l'Anna, la Giuseppina, la Carolina e la Cristina, che gh'hann avuu 'me maester de musica el Giusep Verdi), l'ha studiaa a Milan a 'l licee de Brera, indue l'ha cognossuu i fradej Dandolo e 'l Lucian Manara.
Quij là a hinn staa fra i primm a sarì sui barricad di Cinqu giornad de Milan de 'l marz 1848 e poeu hann combattuu insema a l'esercit piemontes duranta la Prima guèra de indipendenza. Finida e persa la guera in Lombardia, hann refudaa de scappà in Svizra e hann segutaa a combatt longh el Pò, ai comand de 'l Manara. Quand che 'l Regn de Sardegna l'è staa battuu anca lì, el Morosini, insema a i sò amis, a l'è andaa a combatt per la difesa de la Repubblica Romana de 'l Giusep Mazzini. El 29 giugn, menter el difendeva el Gianicol de l'attacch di soldaa frances, el Morosini l'è staa colpii e l'è mòrt on para de dì dòpo.