Elena Lucchini

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh denter un quajcoss pussee, preocupéves minga e provégh.

L'Elena Lucchini (Voghera, 1 de avril 1984) a l'è una politega italiana, del 11 de november 2022 assessora a la fameja, solidarietà sociala, desabilità e pari oportunità de la Region Lombardia.

Diplomada perita agraria, la se laurea in sienze biologeghe a l'Università de Pavia, la va dent a la Liga Nord e in di elezzion politeghe del 2018 a l'è elesgiuda deputada a la Cambra e del 2020 la se candida in del so comun 'me capalista de la Liga e la fa record de preferenze, a vegnì elesgiuda.

La se recandida minga in Parlament del 2022 e l'è nomnada assessora a la fameja in la sgionta de l'Attilio Fontana: in di elezzion regionai del 2023 la va in Consili 'me leghista pussee votada in Lombardia e 'me candidada pussee votada in provincia de Pavia e l'è confermada a l'assessorad. L'è candidada anca ai elezzion europee in la circoscrizzion Nord-Ovest, ma l'è minga elesgiuda.

Riferiment

Regione Lombardia

Alter proget

Wikimedia Commons el gh'ha dent imagin o alter archivi su Elena Lucchini