Draža Mihailović

Quest articol chì l'è scrivud in lombard, con la Noeuva Ortografia Lombarda

El Draža Mihailović (cirillegh Дража Михаиловић; Ivanjica, 27 avril 1893 - Belgrad, 17 de luj 1946) a l'è stad un general serb.

Nassud a Ivanjica ma cressud a Belgrad del so barba, l'ha combatud in di guerre balcaneghe e in la prima guerra mondial con distinzion e 'l resta dent a la noeuva armada jugoslava fina al 1941, quand che i potenze de l'Ass se spartissen el Paes: el fa su el moviment lealista e nazzionalista serb di Cetnegh e in principi el combat insema ai partesan del Josip Broz Tito, ma poeu di voeulte riven a di acord cont i todesch e i italian e riven vers la fin de la guerra al collaborazzionism vert cont el Milan Nedić e 'l Dimitrije Ljotić.

Finida la guerra el proeuva a scondés ma a l'è ciapad de l'OZNA al confin con l'Austria: l'è processad per volt tradiment e condanad a mort per fusilazzion di autorità comuniste. El so roeul in del collaborazzionism e in di netade etneghe l'è desbutad e del 2015 la Cort Suprema de la Serbia la scassa la soa condana, a giudegàlla politicament motivada.

Riferiment

Treccani

Alter proget

Wikimedia Commons el gh'ha dent imagin o alter archivi su Draža Mihailović