Diacronia

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


La parola diacronìa (furmaa cun el prefiss grech δια- ch'el vör dì a travers, e el sustantiv χρόνος ch'el vör dì temp) l'è druvaa in linguistica per riferiss al stüdi di sistema linguistich cume i se presenten in periudi divers, e quindi second una pruspetiva dinamica/evolütiva. L'è l'uposta de la sincrunia che l'è inveci la cunsiderazion di lenguv int un mument precis d'el so svilüp, idealizanda föra la so evolüzion in del temp.

Presempi, la lengua del Carl Porta (1775 - 1821) e la lengua del Franco Loi (1930) j'hinn variant diacronich de l'istess sistema linguistich (el dialet milanes).

La linguistica diacronica l'è sinonim de linguistica storica-cumparativa, menter la linguistica general de solit l'è sincronica. La necessità de fa distinzion fra quej dü ram chì (sincronich e diacronich) l'è staa discütüü per la prima volta dal linguista sguizer Ferdinand de Saussure.