Cort de Monscia

De Wikipedia
(Rimandad de Cort de Monza)
Lombard Quest articol chì l'è scrivud in lombard, con la Noeuva Ortografia Lombarda
El Dom de Monscia in del 1980

La Cort de Monscia a l'è stada una piev del milanes in pee 'me division ministrativa del XIV secol fina al 1797 e religiosament del IX secol al 1972, cont el sinod Colombo.

Storia[Modifega | modifica 'l sorgent]

De quell che l'ha did el Paol Diacon a fondà la gesa monsciasca l'è stada la Teodolinda, che l'ha mitud la prima preja del Dom de Monscia e per quella reson chi l'éra ciamada Cort, termen marcad anca del Gofred de Busser in del so Liber Notitiae Sanctorum Mediolanensis e cont el Renassiment la ciapa anca di fonzion ministrativ in del Ducad de Milan.

In del XV secol la gh'aveva 32 canonegh e un arciprevet, titol sora al prevost ma al che l'éra assimilad e l'era squasi independent de l'Arcidiocesi de Milan propi per l'antiga concession regia, roba che l'ha cread di problema quand che hann tacad a doperà el rit patriarchin, doperad anca a Com ma minga a Milan, roba superada grazia al San Carlo Borromee che l'ha vorzud l'unificazzion de tut i rit de Lombardia in del rit ambrosian, ma dopo poch l'è garantida 'n esenzion che la permet de fà el rit roman in la Cort.

Del cinchcent l'è fiancada de un decanad e 'l nom Cort l'è via via sfavorid in favor de Piev e con l'invasion del Napoleon tut i piev perden la fonzion civil.

Quela religiosa la resta in pee fina al 1972 quand che el vescov Giovanni Colombo ja aboliss tucc cont di decret che renden definitiv i decanad, ma el pret del Dom l'ha mantegnud el titol de arciprevet e di prerogative in su tuta l'area de l'ex Piev, vun di poch cas indova che l'è sucedud.

Division[Modifega | modifica 'l sorgent]

Piev civil Piev eclesiastega
Comun de Monscia Parochia plebanea de San Giovann Batista
Parochia de San Bias[1]
Comun de San Lissander Parochia de San Frutus[2]
Comun de San Damian Parochia de San Gerard al Corp[3]
Comun de Moncucch
--[4]
Parochia de San Bartolamee
Comun de Cologn --[5]
Comun de San Giulian --[6]
Comun de Sest San Giovann
Comun de Cassina di Gatt
Parochia de San Steven
Comun de Villa San Fioran Parochia de Sant'Anastasia
Comun de Vimodron --[7]

Bibliografia[Modifega | modifica 'l sorgent]

  • Liber notitiae sanctorum Mediolani di Goffredo da Bussero. Manoscritto della Biblioteca Capitolare di Milano, a cura di M. Magistretti, U. Monneret de Villard, Milano, 1917.
  • Diocesi di Milano. Sinodo 46°, Milano, 1972, Pubblicazione curata dall'ufficio stampa della Curia arcivescovile di Milano.
  • G. Vigotti, La diocesi di Milano alla fine del secolo XIII. Chiese cittadine e forensi nel “Liber Sanctorum” di Goffredo da Bussero, Roma, 1974.
  • Istituzione dei nuovi vicariati urbani e foranei, 11 marzo 1971, Giovanni Colombo, arcivescovo di Milano, Rivista Diocesana Milanese, 1971.

Note[Modifega | modifica 'l sorgent]

  1. Parochia che la quata l'area sora la cità.
  2. Parochia con sed a Monscia, che la quatava l'area ocidental e meridional, e estesa a San Lissander.
  3. Parochia con sed a Monscia, de che la quatava l'area oriental, e estesa a San Damian.
  4. in quell cas lì la gh'eva diferenza in tra la Piev ministrativa e religiosa, perché la paròchia la tocava anca el Comune de Cassina Baraggia, compres ministrativament in la Piev de Vimercaa.
  5. In quell cas lì la gh'eva diferenza in tra la Piev ministrativa e religiosa, perchè el comun corispondeva a la Parochia di Sant March e Grigoeu, compresa eclesiasticament in la Piev de San Steven de Segraa.
  6. In quell cas lì la gh'eva diferenza in tra la Piev ministrativa e religiosa, perchè el comun corispondeva a la Parochia d San Giulian, compresa eclesiasticament in la Piev de San Steven de Segraa.
  7. In quell cas lì la gh'eva diferenza in tra la Piev ministrativa e religiosa, perchè el comun corispondeva a la Parochia de San Remigi, compresa eclesiasticament in la Piev de San Steven de Segraa.