Concili de Nicea I
|
Quest articol chì l'è scrivud in lombard, con la Noeuva Ortografia Lombarda |
El concili de Nicea I a l'è stad el prim concili ecumenegh del cristianesim, tegnud a Nicea del 20 de masg del 325: l'è stad volud de l'imperador Costantin I per guarnà l'unità dogmatega di cristian denanz a vari moviment ereticai, compagn de l'arianesim.
I tema pussee important che inn stad tratad a inn la divinità de Gesù Crist e la consustanzialità del Pader e del Fioeul e 'l ducument che l'è vegnud foeura a l'è el simbol nicen che, slargad in del concili de Costantinopel, l'è ancamò el cred cristian pussee important.
Gh'hann tolt part circa 300 vescov, soratut de l'Orient, anca se l'Imperador l'heva invitad tucc i vescov cristian.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Concili de Nicea I
