Colòna sonòra

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.

La colòna sonòra a l’è l'insèma di son ch’a gh’hinn denter ind on film o comunque in un prodòtt audio-visìv, e l’è de sòlit divisa in di categorij de vos, musega, rumór e effètt (el son de ‘n’òpera fa su de immagìn e son considerà in di aspètt tènich inveci l’è el sonòro).

Seconda on significàa pussée limitàa e nò precìs, la colòna sonòra l’è domà la musega de on’opera costituida de immagin e de son e segnada con la sigla in lengua inglesa OST (Original Soundtrack, " tràccia di son originàl" (indoe "originàl" el voeur dì che l’è stada scrivuda pròppi per ona cèrta òpera) .

A livèll materiàl, infin, la “colòna sonòra” l’è l’àrea de la pellicola cinematografica indoe l’è stàa registràa el son.

Per sòtt-fónd musicàl o musega de sòtt-fónd, conossùda anca ‘me BGM (BackGround Music), s'inténd inveci la partidura domà strumentàl de la part musical dela colòna sonòra musicàl, ind la qual gh’hinn denter anca i canzon.

I sol musegh d’on film (che sien o nò originaj) in gergh tecnich cinematografich hinn ciamàa anca "colònna musicàl". [1] [2]

Referenz[Modifega | mudìfica 'l sorgènt]

  1. https://www.britannica.com/technology/sound-track
  2. http://www.treccani.it/enciclopedia/colonna-sonora/