Circondari de Milan

Quest articol chì l'è scrivuu in lombard, grafia milanesa.

El circondari de Milan (Circondario di Milano) l'è staa voeuna di division ministrativ de la Provincia de Milan tra el 1859 e 'l 1927.
I alter circondari de la Provincia eren quei de Biaa, de Monza, de Gallaraa e de Lod. El correspond assee a la Provincia de Milan del dì d'incoeu (foeura che per on para de comun, che adess hinn part de la Provincia de Monza).
El confinava a nord-ovest cont el circondari de Gallaraa, a nord cont el circondari de Monza, a est con la Provincia de Bergom (circondari de Trevij), a sud-est con la Provincia de Cremona (circondari de Crema) e cont el circondari de Lod, a sud con la Provincia de Pavia (circondari omonim) e a ovest cont el circondari de Biaa.

I comun in del 1863[Modifega | modifica 'l sorgent]

In grassett i comun che esisten anca al dì d'incoeu. In corsiv quei che inveci fann pù part de la provincia milanesa.

Mandament I de Milan
- Part de Milan (Porta Comasina, Porta Tenaja e l'Arch de la Pas).
Mandament II de Milan
- Part de Milan (Porta Noeuva).
Mandament III de Milan
- Part de Milan (Porta Oriental e Porta Tosa).
Mandament IV de Milan
- Part de Milan (Porta Romana e Porta Vigentina).
Mandament V de Milan
- Part de Milan (Porta Cicca e Porta Ludoviga).
Mandament VI de Milan
- Part de Milan (Porta Verzellina).
Mandament VII de Milan
- Part di Corp Sant (foeura de Porta Comasina, Porta Noeuva e Porta Oriental).
Mandament VIII de Milan
- Part di Corp Sant (foeura de Porta Romana, Porta Cicca e Porta Verzellina).
Mandament IX de Milan
- Affer, Bress, Brusuj, Bruzzan, Corman, Crescenzagh, Derghen, Gorla, Grech, Ninguarda, Precott, Turr.
Mandament X de Bollaa
- Ares, Baranzaa, Boldinasch, Bollaa, Cassina Noeuva, Cassina Triulza, Cesaa, Figin, Garbagnaa, Garegnan, Mazz, Musocch, Novaa, Per, Pinzan, Quart Cagnin, Quint Roman, Rosee, Senagh, Serciaa, Terrazzan, Trenn, Villa Pizzon.
Mandament XI de Cassan
- Bisentraa, Cassan d'Adda, Concesa, Cornelian, Grezzagh, Groppell, Inzagh, Pozz, Pozzoeu, Trezz, Trescian, Trisella, Vaver.
Mandament XII de Corsigh
- Assagh, Bagg, Buccinasch, Cesan Boscon, Corsigh, Cusagh, Grancin, Muggian, Ronchett, Sella Noeuva, Settim, Trezzan sul Navili.
Mandament XIII de Gorgonzoeula
- Basian, Bellinzagh, Bornagh, Busnagh, Busser, Cambiagh, Cassina di Pecch, Cernusch, Colnagh, Cornaa, Gessaa, Gorgonzoeula, Masaa, Pessan, Port d'Adda, Roncell, San Pedrin, Sant'Agata, Vignaa.
Mandament XIV de Locaa
- Basili, Bolgian, Ceravall, Locaa, Morsengg, Nosed, Overa, Piev, Pont Sest, Quint Sô, Rozzan, San Donaa, Vaian, Vigentin, Zel Foramagn.
Mandament XV de Meregnan
- Bustighera, Carpian, Cerr, Colturan, Mediglia, Meregnan, Mercugnan, Pedrian, Riozz, San Giulian, Sest Ulterian, Viboldon, Vizzoeu, Zivid.
Mandament XVI de Melz
- Briavacca, Cavaion, Lambraa, Limid, Liscaa, Melz, Mezzaa, Novegher, Pantigliaa, Pes'cera Borromee, Pioltell, Premenugh, Roeudin, Rovagnasch, Segraa, Settara, Truccazzan.

Vos correlaa[Modifega | modifica 'l sorgent]