Circondari de Bobi
 |
Quest articol chì l'è scrivud in lombard, con la Noeuva Ortografia Lombarda |
El circondari de Bobi a l'è stad vun di circondari de la provincia de Pavia, in pè del 1859 al 1923: fada su del decret Rattazzi quand che la Lombardia l'è stada ciapada del Regn de Sardegna, la ven de la provincia de Bobi, che l'era in la division de Genoa.
Del 1923 a l'è desmembrad: a la provincia de Genoa ghe vann i comun de Fascia, Fontanigorda, Gorreto, Rondanina e Rovegno; a la provincia de Pavia i comun de Bagnèra, Cella, Fortunagh, Minchinigh, Pregoeula, Sajan, Sant Alban de Bobi, Santa Margarita, Vall Nizza, Valverda e Varz; a quella de Piasenza i comun de Bobi, Caminà, Cerignal, Cort, Oton, Ravin, Romagnes. Trebech, Zavataré e Zerba.
Del 1925 i comun passad a Piasenza, foeura de un quajvun che 'l s'era ribellad tant de portà a una marcia su Bobi per domandà de tornà sota Pavia, hann dad vita al noeuv circondari de Bobi: un quaj comun l'è stad inveci castigad per la rivoeulta cont el perder l'autonomia ministrativa.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Circondari de Bobi
