Ciciarada Categuria:Fotbalör da Germània

De Wikipedia
Jump to navigation Jump to search

A mi chè'l tìtul chi el me piàs no.

Mi ho sémper sentìd "giugadù del fulbal". Pö se pöd scrìu cun urtugrafia unificada o classica, ma "Fotbalör da Germània" l'è sbagliàd.

Gavarés da és "Giugadù del Fulbal da la Germània". --Grifter72 13:17, 13 lüi 2009 (UTC)

"sbagliad" 'l me par un poo esageraa, però son d'acordi che per i nom di categurij gh'andariss vegh un minim de ünifurmità, e donca druvà na parola che l'è mia limitaa a un quaj dialet. Per mi se pudariss aplicà l'istessa cunvenzion de la pagina principala: o in LOCC o in OR urtugrafia del Dücat. --Dakrismeno 13:31, 13 lüi 2009 (UTC)
Giösta, perchè se nò narèsem a finì de ìga 'l fotbalör da Germania, el Giugadù de la Spagna, el zögadùr inglés, ecc. e 'l me somearès mìa 'n gran chè sério. --Ninonino 13:44, 13 lüi 2009 (UTC)

Gh'è bèle un artìcul sul Pepìn Meazza. Li i drövun Giugador de Fòlber d'Italia. L'è el sòlit discùrs. Gh'è da truà 'na "parola neutra". --Grifter72 13:52, 13 lüi 2009 (UTC)

...e 'n atìcol söl Gianni Rivera, colocàt endèla categoria Giogadòr de fòlber italian. --Ninonino 14:04, 13 lüi 2009 (UTC)
sì. Nò che l'è sbajaa ma una quaj ünifurmità a l'è mej--Insübrich 14:05, 13 lüi 2009 (UTC)

Secùnd mi "Fotbalör" l'è na paròla creàda da lü 'me "neologismo", perchè el séva no la paròla giüsta: http://www.google.it/search?hl=it&q=Fotbalör&btnG=Cerca+con+Google&meta=&aq=f&oq= --Grifter72 14:11, 13 lüi 2009 (UTC)

Beh, l'autùr el g'ha mitìt apò a la fónt (LSI, vol. 2) per chèla paròla lé. Someàa che 'l la saìes che ghe sarès stat de le discusiù... ;-) --Ninonino 14:17, 13 lüi 2009 (UTC)


se non vi convince andate sulla pagina, terza etichetta da destra, tasto modifica, cambiate la parola in questione e bòna. la wiki è o non è una encclopedia libera che tutti possono modificare e allora modificate che nessuno ve lo vieta... caspita ho scoperto l'acqua calda! --Aldedogn 15:09, 13 lüi 2009 (UTC)

Fotbalör l'è pròpe spaentùs.. Gh'è ergù che l'pödi controlà se l'gh'è del bù söl LSI?--Dans 18:35, 13 lüi 2009 (UTC)