Ciciarada:Genua

Contegnûi da pàgina no suportæ in de âtre léngoe.
De Wikipedia

A l'è minga mej dì "capplögh" al post de "capoluogo", che l'è in talian? --Insübrich 21:19, 30 mac 2008 (UTC)

e se me la ciamès Zèna (da dì co la S dolsa)? se fó dientà bergamàsch Genova 'l dientà Gènoa, ma se parle in bergamàsch e dóvre Zèna l' sùna amò mèi, só mia se i lìguri i dis Zèna o Zéna, ma se pròpe gh'ó de lombardìzà 'l nòm preferése partì da chèl ligure e se pròpe ghe cambie l'acènt...

a méno che genoa - genua l' sìes dovràt 'n Lumbàrt de quach bande o da ergü, ma mé l'ó mai sentìt. --Aldedogn 13:35, 28 Agu 2010 (UTC)

Mì credi che se parlassi lombard de maderlengua me vegnaria pussee normal dì Genova (parnonzia: "Génua"), puttòst che Zena. --Eldomm 11:02, 30 Agu 2010 (UTC)

Chi 'l gh'ha resun l'Eldomm: a Milan, la parola "Zena" mi l'huu mai sentüda. "Genova", pr: genua, cunt quela "v" milanesa bela morbeda (cumpagna de la "w" inglesa in finn de parola) che la scüsa de separaziun intra la "u" e la "a", e che la se sent asquas no, l'è la parola che mi huu semper sentii dì. Un salüd a tücc, --Mondschein 00:52, 31 Agu 2010 (UTC)

Zena l'è modelàt söl nòm che i genovés i ghe dà a la sò cità. Per dì se l'è giöst o sbagliàt bizògna che se ciarómes 'na olta per töte 'ntra de nóter sö qual che l'è 'l critério che ölóm adotà.
La mé edèa/propòsta l'è chèsta:
Per i topònim lombàrcc, se dopèra 'l nòm lombàrt. Qual? Chèl locàl (Dogn/Lemedhane/Sù/Dó)? Chèl piö cümü 'ndèla sò pruvìncia (Zogn/Lemezane/Zòne/Ono)?
Me farès che semài che se tràta apéna de 'na quistiù de prunùncia, come tìtol de l'artìcol se mèt la versiù piö cunusìda 'ndèla pruvìncia de riferimènt (Zogn/Lemezàne), se 'nvéce l'è pròpe quistiù de nòm diferènt alùra se adòta chèl locàl (Sù/Dó).
NOTA: I nòm che g'ho ciapàt de ezèmpe i è chei dei paés de Zogno/Lumezzane/Zone/Ono S.Pietro.
El rèsta 'ntés che töte le ótre versiù (incluso chèla uficiàla 'n italià) le pöl véser citàde 'ndèl artìcol e se fà i redirect.
Per i topònim mìa lombàrcc, semài che ezìste 'ndèle nòste parlàde 'na versiù lombàrda (Türì/Verùna/Enésia) se dopèra chèla. Se ghe n'è dò (o de piö) diferènte (Türì/Türin), mé ghe darès la precedènsa a chèla co la quàla gh'è stat scriìt l'artìcol, en maniéra de ìga 'na sèrta coerènsa 'ntraà 'l tìtol e l'artìcol stès.
Semài che 'nvéce 'na versiù lombàrda l'ezìste mìa, alùra se dopèra 'l nòm uficiàl endèla lèngua del paés de riferimènt, per ezèmpe Saluzzo/Udine/Maastricht e mìa chèl locàl (Salusse/Udin/Mestreech).
Rèsta amò 'n càzo che l'è chèl de le cità straniére che g'ha 'n nòm italià ma mìa lombàrt (Colonia/Perpignano). En chèsto càzo ché mé che narès dré a l'üzo prevalènte 'n Lombàrt: semài che de sòlet se dopèra 'l nòm italià (Colonia) se dopèra chèl, semài che 'nvéce 'l nòm italià l'è póch cunusìt e ütilizàt, se dopèra chèl uficiàl del paés de riferimènt (perciò Perpignan, e mìa Perpinyà)
Amò 'na olta, l'è ciar che töte le ótre versiù (Perpinyà/Perpignano - Köln/Kölle) le pöl véser citàde 'ndèl artìcol e se fà töcc i redirect nesesàre.
NOTA: Se sérche de dà 'na precedènsa a le versiù uficiài dei paés de riferimènt l'è perchè pènse che dàto che som dré a scrìer 'n enciclopedìa, i nòm uficiài ricunusìcc de töcc i g'ha de cöntà pör vergót. Chèsto aldelà de le upiniù che ognü 'l pöl vìga söl perchè e 'l percóm s'è riàcc a chèl nòm lé piötòst che 'n óter.
Bon, mé la mé l'hó dìda. Se vülìf, spustì pör chèsta discusiù söl grot, dàto che l'è 'n argomènt che 'nterèsa töcc. Se pò rióm a 'na sulusiù de consèns (sarès el càzo de 'mpegnàs a troàn giöna) la fóm deentà la régola a la qual töcc sercaróm de atignìs. Che dizìf?
--Ninonino 07:25, 31 Agu 2010 (UTC)
A gh'è tanti pont coi quai mì son d'accòrdi, e alter che gh'hann minga el mè consens al 100%, però pensi che la cosa pussee convenienta adess l'è quella de portà la discussion in sul Gròtt, inscì de dàggh on'aria pussee "offizial" e vincolante. Però magara l'è mej parlànn on poo pussee innanz in del mes de settember, quand che podaria vessegh pussee gent connessa. Adess la ròbba la ris'cia de perdes on ciccinin, e inveci l'è on argoment molto important. Ve saludi, --Eldomm 14:02, 31 Agu 2010 (UTC)