Catedral de l'Assonta (Charkiv)
 |
Quest articol chì l'è scrivud in lombard, con la Noeuva Ortografia Lombarda |
La catedral de l'Assonta a l'è la catedral de la diocesi de Charkiv-Zaporižžja in Ucraina, de rit latin: gesa neo-gotega fada su in tra el 1887 e 'l 1892, l'è stada consacrada del vescov Francišek Symon el 26 de luj del 1892.
Al temp la serviva soratut i comunità catoleghe forestere e dopo la prima guerra mondial la comunità principala la deventa quella di polach, anca se ghe restava di italian, di franzes, di belga, di ongares e fina di armen: l'importanza de la comunità polaca la se nota insì tant che i sgent la ciamen "kostel", o ben "gesa" in polach.
Del 1922 i comunista sequestren vari element de la liturgia e del 1940 el comun el sarra su la gesa: l'ocupazzion todesca la mena al tornà di cult, che inn tolt via del 1945 quand che l'Armada Rossa la ciapa ancamò la cità, e la gesa l'è donca convertida in teater e cinema. Del 1991 la comunità catolega la torna in la gesa, con la prima Messa che la se ten in del segrad a sginer e la vertura noeuva a desember, menter del 2000 la gesa l'è restruturada.
Del 2002, cont el fà su de la diocesi del papa Giovann Paol II, l'è fada catedral.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Catedral de l'Assonta (Charkiv)
