Castellan del Castell Sforzesch
El Castellan del Castell Sforzesch a l'era in tra i caregh pussee important del Ducaa de Milan e la pussee importanta a nivell militar.
A l'era a capo di soldaa ch'eren quarteraa in del Castell Sforzesch e 'l settava in del Consili Secrett del Duca e 'l sostituiva el Governator General see' l ghe fuss minga staa. A bon cunt, però, el termen castellan a l'è entraa in l'us comun domà cont el governo di spagnoeui, degià che a Milan gh'even 'na granda guarnigion che la gh'eva besogn de 'na guida autonoma, ciovè el castellan. Cont i austriegh el Castell, deventaa sed de la Milizia Urbana, el perd la soa fonzion strategica e 'l castellan el resta domà 'me roeul onorifegh, abolii poeu de la Maria Teresa d'Austria. A l'è semper staa daa a di member de la nobiltà, milanesa o spagnoeula, per esempi al Massimilian Stampa o a l'Annibal Viscont.
Bibliografia
[Modifega | modifica 'l sorgent]- M. Bendiscioli, Politica, amministrazione e religione nell'età dei Borromei, Storia di Milano, Milano, Fondazione Treccani degli Alfieri, 1957, v. X, p. 3-352.