Cassandra

Quell articol qì l'è scrivud in Lombard, cond l'ortografia Scriver Lombard.

L’atora Dorothy Dene adree a impersonar la Cassandra

Ind la mitolojia grega, la Cassandra (greg: Κασσάνδρα “lee qe la vuta i omen”), dei vœlte cognossuda anca sì come Lissandra, l’era la fiœla del Priem, re de la citaa de Troia, e de la so rejina Ecuba. Retegnuda la plussee bella intra i prencipesse troiane e famosa in tut el ream del pader propri per la so belleza, infinamai el dia Poll l’haveva tolt su un brux per lee e, per far-sela amixa, al g’haveva fait el cadò de la profezia. Implunemanca, quand qe lee n’ha miga volsud saver dei atenzion del dia, luu l’ha maledeta e al g’ha fait un’instriadura per far sì qe la jent la credess miga ai sò strolegaments.

L’è un personaj important ind la Guerra de Troia, dejà qe l’ha prevedud çò qe ge sariss sucedud. In particolar, l’ha deit qe se sò fradell Pared l’havess portad a cà una morosa grega, ge sariss s’ciopad fœra una gran guerra qe a la fenitiva l’havariss menad a'l destrugament de la citaa. Nissun, però, al g’ha dait a trar, e, ind una quai version del mit, l’hann infinanca sarrada su ind una torr per sqivar de far perder el moral a la popolazion. Plussee tard, l’ha profetizad la desgrazia qe ge sariss sucedud se i Troian havessen acetad el cadò greg del cavall de legn e l’havessen trait denter ind i mur de la citaa ma, anca qì, nissun l’ha scoltada. De conseguenza, Troia l’è staita pœ batuda e destrugada del tut dei Greg. Despœ de la fin de la guerra, per salvar-s la pellaça l’ha reparad ind el tempi de la deia Minerva; qiqinsì, però, l’è staita trovada del guerrer greg Aiax qe, instriad de la belleza de la tosa e inzigad de la vitoria, l’ha violentada ind una s’ciopada de lussuria.

Ligam de denter

• Iliada

Ligam de fœra

Altri progetti

• Wikiquote
• Wikimedia Commons

• Wikiquote el gh'ha dent citazzion de o su Cassandra
• Wikimedia Commons el gh'ha dent imagin o alter archivi su Cassandra