Carlo Monguzzi
 |
Quest articol chì l'è scrivud in lombard, con la Noeuva Ortografia Lombarda |
El Carlo Monguzzi (Milan, 18 de setember 1951 - Milan, 13 de avril 2026) a l'è stad un politegh italian.
Biografia
[Modifega | modifica 'l sorgent]Nassud a Milan, el se laurea in ingegneria chimega e 'l deventa professor de matematega a l'istitut Besta: l'è poeu in tra i fondator de Legambiente.
In del 1990 l'è elesgiud cont i Verd Arch-in-del-ciel al Consili Regional de la Lombardia e in tra el 1993 e 'l 1994 l'è stad assessor a l'ambient: l'è elesgiud al Pirellon ancamò del 1995, del 2000 e del 2005. Del 2006 l'è elesgiud a la Cambra di Deputad, ma el se dimet subit per restà al Consili Regional e al so post el va el Roberto Poletti.
Del 2011 el se candida al Consili Comunal de Milan cont el PD e l'è elesgiud, istess del 2016, menter del 2021 el se candida cont Europa Verda: anca a vesser minga dent al partid, per un poo l'è el so capo-grup. Despess, in 'sto roeul, l'è stad ben critegh di serne urbanisteghe del sindegh Beppe Sala, e per quella reson chi el caven via de capo-grup e del 2025 el se dimet de la presidenza de la comission ambient dopo la serna de vender el stadi de San Sir, a toeuss via de facto de la magioranza.
L'è mort per un cancher dopo un quaj mes che ghe l'heven trovad.