Carlo Mereghetti
|
Quest articol chì l'è scrivud in lombard, con la Noeuva Ortografia Lombarda |
El Carlo Mereghetti (Albairaa, 1881- Biaa, 17 de fevrer 1968) a l'è stad un scritor, politegh e poeta italian.
Biografia[Modifega | modifica 'l sorgent]
Nassud a Albairaa in d'una familia pora con des fioeui, el fa su 'na bibliotega civega in del 1907 e trii agn dopo el se sgionta ai socialista e 'l fa l'assessor a l'istruzzion del comun, indova che 'l fa su 'na scoeula noeuva, el met la quarta elementar e 'na class per quei grand. El fa poeu San Martin per lavorà a Biaa, a fà el sigurador, e poeu quand che 'l borla sgiò el fascism, l'è in del prim consili comunal votad de la cità. L'è stad vizesindegh in la sgionta Mainardi del 1951 al 1956.
Poesia[Modifega | modifica 'l sorgent]
El taca a scriver poesia in dialet pussee inanz cont i agn, a parlà cont un lenguagg s'cet e minga trop volt ma con delicateza di moment de la vita paisana, di so nostalgie e de come 'l stava. I so poesie, in d'un dialet che lu el ciamava "milanes arios", inn stade poeu publegade pussee de 'na voeulta.