Calcolatris programabel
|
Quest articol chì l'è scrivud in lombard, con la Noeuva Ortografia Lombarda |
Una calcolatris programabel a l'è una calcolatris che l'è bona de vesser programada. L'ideja 'me che la gh'è incoeu la nass in di agn '70, quand che i home computer inn deventad pussee disponibel e 'l roeull del computer a l'è deventad pu quell de fà de cunt, e i prim calcolatris programabel de taschin vegnen foeura propi a mità agn '70. El termen l'era stad doperad anca in del marketing de l'HP 9100A, che a bon cunt a l'era pussee un computer de tavol. Incoeu la pupart di calcolatris programabel inn anca grafegh, ma l'è stad no semper inscì.
I calcolatris programabel poden vesser programade de solet o a boton, in RPL o in BASIC, anca se in del 2014 a l'è sortida 'na calcolatris che l'è bona de vesser programada diretament in Assembly. In principi i programa eren salvad soratut in su 'na cartolina magnetica o in su 'na casseta magnetica, menter incoeu despess gh'hann dent una soa memoria e poden doperà anca di memorie flash per salvà roba pussee.
In ingles el termen "programmable calculator" a l'è doperad anca per quei calcolator che lavoren domà cont i numer, ch'eren assee spantegad in di agn '40 e '50 e inn restad in pè anca in di agn '60, soratut 'me calcolator de tavol, che in ingles inn despess ciamad inscì.
A segonda del set di istruzzion che 'l gh'ha el po dass che una calcolatris programabel la sibia anca un computer.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Calcolatris programabel
