Cadee con Graj
Cadee con Graj (Cadero con Graglio in italian) a l'è staa on comun de la Lombardia in pee del 1798 al 1928 con di vari nomm.
Storia
[Modifega | modifica 'l sorgent]Cadee e Graj eren du comun de la piev de Valtravaja e poeu part de l'effimera provincia de Vares. Manzonaa despess insemma in di document del Ducaa de Milan, in del 1798 hinn formalment taccaa insemma di franzes, cont el nomm de Graj con Cadee, decision lassada intatta di austriegh, che però despess se limiten a ciamàll Graj.
In del 1877 Cadee el deventa capploeugh del comun che 'l torna a ciamàss donca Cadee con Graj, e 'l resist finna al 1928 quand che i fascista deciden de taccàll insemma a Armi, Losc e Biegn per formà Veddasca, l'ann dopo de la creazion de la provincia de Vares. In del 2014 Veddasca l'è desligada dent al noeuv comun de Maccagn con Pin e Veddasca, prima fusion di comun in la provincia de Vares.