Bigio (Dazzi)
 |
Quest articol chì l'è scrivud in lombard, con la Noeuva Ortografia Lombarda |
Ol Bigio (nom oficial: Era fassista) a l'è una statua 'n marmor de Carrara volta 750 meter faccia de l'Arturo Dazzi 'n del 1932 e mitida 'n origin in Piazza de la Vitoria.
I sgent la ciamava Bigio per ol so color ma, per via del so ligam col regim, 'n del 1945 a l'è tolta via e mitida 'n magazin. 'N del 2013 ol sindegh Adriano Paroli el noncia, 'me part de la requalifegazzion de la piazza per la metropolitana, ol restaver de la statua insì de metéla ancamò, però poeu l'Emilio Del Bono el ferma tut, e i è an'mò dree a sernì 'sa fànn.
Poesia
[Modifega | modifica 'l sorgent]'N del 1939 in su la rivista Brixia fidelis a l'è dacc fò ol sonet de 'n anonem che 'l se faseva ciamà Rasighì.
El Bigio
Sif vo 'l sior Bigio? oho dise, che maniere
de müsüraga i pign a chei che pasa,
e de ardà töc' con che la bröta cera!
Nom culpa no si va mes nǚt en piasa?
Sif forse gnec per via de che la foia
che va töt el piö mei de la osta fama?
Dif pas! Perché a la zent de buna oia,
ghe amò töt el de dre del panorama.
Certo chi va fat tort a daf la cacia,
quand pense che ghè tanc' che stares be
mandai en giro con la foia en facia.
Sti miga le a 'nrabif, che l'è on'ocada.
Quand va ve a tir de chei che pense me,
Nient pign; l'è a trop ona cicada