Bibia Maciejowski

Quell articol qì l'è scrivud in Lombard, cond l'ortografia Scriver Lombard.

I israelits i è descaçads vià de la citaa cananea de Ai (f. 10 r).

La Bibia Maciejowski, ciamada anc'pò Bibia Morgan o Salteri Maciejowski, l'è un manuscriit medieval alluminad de la Bibia. Articolad in 46 foi, l'è stait miniad de maestranze francese ind el Nord Europa intoren a'l 1250.

Storia

Dei vegie teorie i faxiva risalir la realizazion del codex al regn de Luiji IX de França a metaa del 1240, ma Allison Stones, despò dei indicazion de olter intra i quai François Avril, l'ha cernid de dar-ga una datazion intra circa a'l 1250.

In orijen al duxiva contegnir adoma dei figure miniade, ma plu tarde i è staite jontade i didascalie in latin tœt intoren ai marjin.

Ol cardinal Bernard Maciejowski, Vescov de Cracovia, l'ha donad ol liber ind el 1608 a 'l scià safavide de Persia Abbas I, ol qual l'ha ordinad de jontar dei scriite in persian. Plu tarde, fors ind el XVIII secol, i è staite inseride dei oltre iscrizion in judee-persian.

Ol codex al g'ha dent miniadure prejade, con un grand uso dei color. I scene i g'ha una ambientazion francesa, cond i costœm del XIII secol.

La Bibia Maciejowski l'è un capolavor de l'art gotega e l'è una font inestimabel per la ricostruzion de la cultura materiala de l'epoga medievala.

L'è conservada ind la Morgan Library de New York. Do foi i è custodids ind la Bibliothèque nationale de France (MS nouv. Acq. Lat. 2.294). Un uneg foi a l'è inscambe a'l Paul Getty Museum de Los Angeles (MS 16).

Olter projets

• Wikimedia Commons al gh'ha dent roba culegada a: Bibia Maciejowski.

Ligam de for

• (EN) Pictures from the Maciejowski Bible. URL consultad in data 2009-10-8.
• (EN) "The Morgan Picture Bible" su "The Morgan Library and Museum". URL consultad in data 2009-10-8.
• (EN) A Masterpiece of Sensuous Communication: The Morgan Bible of Louis IX. URL consultad in data 2009-10-8.