Benevacantism
 |
Quest articol chì l'è scrivud in lombard, con la Noeuva Ortografia Lombarda |
Per Benevacantism se intend una teoria sostegnuda de una minoranza de catolegh che veden i dimission del Benedet XVI 'me illegitime e, donca el Papa Franzesch 'me un antipapa votad in manera minga irregolar.
La parolla a l'è un portmanteau del nom de Benedet e de sedevacantism: despess i benevacantista sostegnen che 'l Franzesch l'habia did di eresie, roba che la dimostra che l'è minga assistid del Spiritosant, ma ghe n'è anca di alter che inveci sostegnen domà che ghe fuss stad un error tecnegh in di dimission.
Varie teorie benevacantiste se fonden in su la spartizzion in tra munus (ofizzi) e ministerium (ministeri), con l'ideja che el Benedet l'habia domà renonziad al segond e minga al prim, roba che ghe permetaria no al Franzesch de vesser Papa ma domà de fà el Papa, e che donca el Papa emerit el fuss in sed impedida.