Basilega de San Giovann Batista (Monscia)
 |
Quest articol chì l'è scrivud in lombard, con la Noeuva Ortografia Lombarda |
La basilega de San Giovann Batista a l'era una gesa de Monscia fada su di Lombard vers la fin del secol VI, che ghe resta domà un quaj rest archeologegh e di descrizzion scrivude. In tra el secol XIII e XIV l'è trada sgiò per fà al so post el Dom de Monscia del dì d'incoeu.
L'è stada fada su de la Teodolinda 'me capella palatina del so Palazz Real, che per el Paol Diacon l'era stad fad in la cità perchè l'aria l'era sana e del 603, el Segond de Non l'ha batezad lilinsì l'Adaloald e l'Agilulf, e poeu inn mitud sota terra dent dent, insema forsi anca al Rotari, che però forsi l'è stad mitud sota a Pavia im la gesa de San Giovann Domnarum. I rest che gh'era dent inn stad spostad, quand che la basilega l'è trada sgiò, in la capella de Teodolinda del Dom Noeuv.
Bibliografia
[Modifega | modifica 'l sorgent]- Paolo Diacono, Historia Langobardorum (Storia dei Longobardi, cura e commento di Lidia Capo, Lorenzo Valla/Mondadori, Milano 1992).
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Basilega de San Giovann Batista (Monscia)
