Barbapedana
El Barbapedana l'è ona figura tipega de la tradizzion milanesa.
In tra la metà del XIX secol e 'l princippi del XX, el Barbapedana l'eva on musegh de strada che 'l girondava per i ostarii e 'l ghe cantava canzonett, strofett e olter storiell popolar.
El termen l'è giamò present in de la comedia Il barone di Birbanza del Carlo Maria Magg.
El Barbapedana pussee famos (oltra a vess l'ultem) l'è staa l'Enrico Molaschi, del qual hinn ancamò conservaa la ghitarra (al Castell Sforzesch) e ona quai canzon, compagn de El piscinin.