Baner Peran

De Wikipedia

Chest artícol a l'è scricc in Lumbàrt, ortograféa orientàl unificàda.


Baner Peran
Simbol FIAVBandera de fait
Tipolojiabandera de una sota-division statala
Dovrada daCornuàia
StatRegn Unid
Fotografia
Fèsta de San Peran in Cornuàia
This box: view  talk  edit

La Baner Peran o bandéra de Peran l’è la bandéra de la Cornuàia, l’è fàcia da öna crus biànca söl fónt nìgher e al dé de ‘ncö l’è dovràda cóme sìmbol de identità da la zét de la Cornuàia. La bandéra l’è dedicàda al San Peran, abàt del sécol VI, sant protetùr di minadùr de stagn e de la Cornuàia.

La bandéra de San Peran la ghe sömèa ach a la bandéra de San David, patròn del Gàles e la ghe sömèa ach a la ègia bandèra de la Bretàgna, la Kroaz Du o crus nìgra, dovràda dal Dücàt de Bretàgna sö la fì del Médio Éf, quand l'éra ü stat indipendènt.

La sò stòria[Modifega | modifica 'l sorgent]

Chèsta bandéra l’è de sigür lüminàda cóme bandéra de la Cornuàia per la prìma ólta in del 1838 dal Davies Gilbert in del sò lìber The Parochial History of Cornwall, ‘ndo che ‘l iscrìf che öna crus biànca sö fónt nìgher l’éra prima de alùra la bandéra de San Peran e ‘l stendàrd de la Cornuàia. Dezà che ‘l Gilbert l’à scricc prima de alùra s'pènsa che lü ‘l saìa che chèsta bandéra l’éra stàcia dovràda prìma del 1838, ma se sà negóta de piö précis sö chèl che l’avrès saìt o troàt in di sò stöde sö chèst argomènt.

De sigür la bandéra l’è ü tòch piö ègia se s’pènsa che zamò in del sécol XV söl istèma de la famèa Saint-Peran la gh’éra öna crus biànca sö fónt nìgher. Gh’è pò ün artìcol de la Encyclopædia Britannica che la regórda cóme la Baner Peran la sarès stàcia dovràda dal contigènt cornuaiés in del 1415 a la batàia de Agincourt. Infìna gh'è de regordà che la piö ègia riprodüsiù de chèsta bandéra se la tróa sö ‘n d’öna etràda de la Abasìa de Westminster, paregiàda ‘n del 1888 per regordà ol famùs inventùr e ‘ngegnér cornuagliés Richard Trevithick.