Autotreno FIAT ATR.410
| Autotreno FIAT ATR.410 | |
|---|---|
| Autotreno | |
.JPG) | |
| Agn de projetazion | 1995-1997 |
| Agn de costruzion | 1997 |
| Agn de esercizi | 1997-1998 |
| Quantitaa produxida | 1 |
| Costruidor | Fiat Ferroviaria |
| Lungeza | 55'300 mm |
| Largeza | 2'800 mm |
| Alteza | 3'700 mm |
| Capacitaa | 108 settaa |
| Scartament | 1'435 mm |
| Interperno | 19'000 mm |
| Pass di carrei | 2'600 mm |
| Massa a vœd | 101 t |
| Tipolojia de trasmission | Elettrica |
| Potenza continuativa | 760 kW |
| Velocitaa massema omologada | 160 km/h |
| Alimentazion | Diesel |
L'Autotreno FIAT ATR.410 a l'è staa on treno automotor diesel, restaa convoeuj unich, faa de la Fiat Ferroviaria per i Ferrovie dello Stato in del 1997 e doperaa per di proeuv.
Storia[Modifega | modifica 'l sorgent]
Intant che la Fiat la desviluppava, a fin agn '80, l'ETR.480 a l'è vegnuda l'ideja de on treno diesel bon de rivà a 160 km/h in sui lign minga elettrificaa d'Italia, 'me la ferrovia Jonica e la Ferrovia Cagliari-Golfo Aranci, che dopo l'accantonament del progett de elettrificazion a corrent alternada a 25 kV cont la Locomotiva FS E.491 a l'è restaa senza on pian de ammodernament, che la Fiat la voreva dà.
I servizzi de proeuva han mostraa di gran problema de raffredament di motor noeuv, a magnet permanent e i event contemporanei, 'me la trasformazion di FS in Trenitalia, men interessada al straport regional, e 'l vend de la Fiat Ferroviara a Alstom l'ha menaa a la fin del progett, nonostant l'investiment de 10 milion de Euro.
Incoeu a l'è al Musee de Savigliano.
Caratteristich[Modifega | modifica 'l sorgent]
El sistema el deriva de l'Elettrotreno FS ETR.480 e 'l gh'ha dò cass motris dotaa de motor diesel IVECO-AIFO 8217 SRI 10.00 soralimentaa con interrefrigerazion, che alimenten on motor trifas elettrich. El tutt a l'è raffredaa a liquid. El gh'ha el pendolament e 'l pò frenà sia pneumaticament sia elettricament.