Attentaa a Westminster del 2017

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Mappa de l'attacch
Parliament at Sunset.JPG

L'Attentaa a Westminster del 2017 l'è staa on attentaa terroristegh faa el 22 de marz del 2017 cont ona vettura e on cortell al Palazz de Westminster e al Palazz de la Polizia arent dal britannegh de origin pakistana Khalid Masood, de 52 agn.

I mort hinn 5: Trì civil, on poliziott e 'l terrorista, e gh'è anca 'na cinquantina de ferii, de che 12 gramm.

L'è 'l primm attacch a Westminster dal 1979, cont l'omicidi del Airey Neave per man de l'Irish National Liberation Army.

Avveniment[Modifega | mudìfica 'l sorgènt]

Ai or 14:40 locai ona vettura Hyundai modell i40 grisa la va in sul Pont de Westminster a circa 130 km/h (76 mph) e la invest 'na desina de person in sul marciapee, per poeu s'ciantàss in su la recinzion del Parlament ingles.

L'attentator Masood li el sortiss de la macchina, el va in del New Palace Yard, che l'è vesin al Parlament, e 'l pugnala a mort on agent de la Polizia, el Keith Palmer. L'è lilinscì che 'l Masood el moeur, quand che du poliziott in borghes ghe ordinen de fermàss e poeu ghe sparen trè voeult.

I tentativ de rianimàll hinn andaa a voeud, e l'è mort in sul colp. Anca la rianimazion del Palmer, che l'è intervegnuu anca on parlamentar, el Tobias Ellwood, l'è servida a nient.

Cronologia[Modifega | mudìfica 'l sorgènt]

  • 14:40:08 : Masood sal in sul marciapee e scomincia l'attenta
  • 14:40:38 : Masood el se s'cianta in sul restell de Westminster
  • 14:40:51 : Masood lassa la vettura per svesinàss al Palazz
  • 14:40:59 : Prima ciamada a la Polizia
  • 14:41:30 : Masood l'è colpii di poliziott

Reazion immediaa[Modifega | mudìfica 'l sorgènt]

I Parlamentar, per sicurezza, hinn staa saraa dent, e la premier Theresa May la vegn evavuada al 10 de Downing Street.

Sia i autobus che la metropolitana de Londra hinn staa fermaa, e anca el traffich fiuman in su Tamis l'è staa sospenduu.

La Polizia metropolitana la parla squasi subit de terrorism, e 'l Parlament scozzes el sospend, dopo on quaj megnuu, la sò session, sia per sicurezza che per solidarietà cont el Parlament central.

Vittim[Modifega | mudìfica 'l sorgènt]

Cinch person han perduu la sò vita in l'attacch: El terrorista Masood, el poliziott Keith Palmer, el turista american Kurt Cochran, Aysha Frade, donna inglesa de origin spagnoeula che l'era dré a ciappà i sò fioeui de scoeura e la Leslie Rhodes, veggett de 75 agn mort in l'ospedal King's College Hospital.

Reazion[Modifega | mudìfica 'l sorgènt]

Interna[Modifega | mudìfica 'l sorgènt]

Downing Street l'ha subit ciarì che l'era pronta la gestion de l'emergenza, e i du speaker di Camber del Parlament ingles han faa 'na deciarazion congiunta de pensee per i vittim e i ferii de l'attacch.

El Parlament scozzes l'ha sospenduu la session, che se parlava del segond referendum in su l'independenza scozzesa, perchè i Member del Parlament Scozzes riussiven no a lavorà in quell clima. Poco dop anca l'Assemblea del Galles l'ha sospenduu i sò lavor.

L'ISIS l'ha poeu revendicaa l'attacch, e la polizia inglesa l'ha menaa via vott personn, e la May l'ha dii che 'l terrorista l'era ingles giamò cognossuu ai servizzi segrett.

Foresta[Modifega | mudìfica 'l sorgènt]

La pupart di leader del mond occidental han daa el sò cordoeuj per l'attacch: Per esempi el premier olandes Mark Rutte, el president italian Sergio Mattarella, la cancellera todesca Angela Merkel e 'l president franzes François Hollande.

El president american Donald Trump l'ha ciamaa la May dopo l'attacch, e anca i governi de Irlanda, Argentina e Australia s'hinn ciamaa vesin al Regn Unii.

Riferiment[Modifega | mudìfica 'l sorgènt]