Apucaliss Capitel Vintün

Quel articul chì l'è scrivüü in Lumbard, cun l'urtugrafia insübrica ünificada.

Apucaliss

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Vintün

¹E huu vedüü un növ cél e una növa tèra. Già che 'l primm cél e la prima tèra hinn naa via e 'l mar l'esist pü. ²E huu vedüü la santa /la/ cità, una növa Gerüsalèmm, andand giò del cél de/l/ Diu preparada cuma una sposa adurnada per el sò marì. ³E huu sentii una granda vús del tronu, disend: «Varda, la tènda de/l/ Diu [l'è] cunt i vèss üman, e 'l starà de cà cun lur, e lur sarànn un sò popul, e lü 'l sarà 'l Diu cun lur, ⁴e 'l sügarà ogni làgrima di lur ögg, e la mort la sarà pü né lamént né gigul né travaj sarànn pü, i [robb] primm hinn vegnüü via».
⁵E lü che 'l se seta giò sül tronu l'ha dii: «Varda, fuu tüsscoss növ», e 'l dis: «Scrìv, perchè chèst /i/ paroll hinn fedèj e vér». ⁶E 'l me dis: «Hinn sücedüü. Mì [sun] l'Alfa e l'Omega, el prenzipi e la fin. Mì daruu a lü che l'ha sed un regàll del surgént de l'aqua de la vita. ⁷Lü che 'l ving l'ereditarà chèstcoss e ghe saruu Diu e lü 'l me sarà un fiöö. ⁸E a i temiús e i incredül e i abominévul e i umicid e i furnegadúr e i magh e i idulater e tücc i büsard, la lur par [l'è] in del lagh che 'l brüsa [cun] fögh e zòlfregh, che l'è la segunda /la/ mort».
⁹E vün di sètt àngiul che gh'hann i sètt basínn che [hinn] pièn di ültim sètt /i/ piagh l'ha vegnüü e l'ha parlaa cun mì, disend: «Vén, te mussaruu la sposa, la miee del Berìn. ¹⁰e 'l m'ha menaa via in de sprit sü un munt grand e alt, e 'l m'ha mussaa la granda /la/ cità Gerüsalèmm andand giò del cél de/l/ Diu, ¹¹avendugh la gloria de/l/ Diu, el sò splendúr [l'è] cumpagn d'una prèja preziúsa, cuma una prèja [de] diaspru cristalìn, ¹²avendugh un mür grand e alt, avendugh dòdes port e sü i port dòdes àngiul e nomm scritt sü [lur], che hinn i dòdes tribü d[i] fiöö [d']Israél: ¹³del est trè port e del nord trè port e del süd trè port e de l'oest trè port; ¹⁴e 'l mür de la cità avendugh dòdes fundamént e sü de lur dòdes nomm di dòdes apòstul del Berìn.
¹⁵E lü che 'l parla cun mì 'l gh'ha avüü una mesüra, una cana d'or, perchè 'l mesüràss la cità e i sò port e 'l sò mür. ¹⁶E la cità la giac quadrangular, e la sua lunghéza [l'è] tant granda quant la sua larghéza. E l'ha mesüraa la cità cun la cana, /sü/ dodes mila stadi, la lunghéza e la larghéza e la sua altéza l'è cumpagn. ¹⁷E l'ha mesüraa 'l sò mür, cent quaranta quater cübit, una mesüra de vèss üman, che l'è [chèll] d'un àngiul. ¹⁸La strütüra del sò mür [l'è] diaspru e la cità [l'è] d'or pür, cumpagn de veder nètt. ¹⁹I fundamént del mür de la cità [hinn] adurnaa cun ogni prèja preziúsa: el primm /el/ fundamént [l'è] diaspru, el segund zafir, el tèrz calcedòni, el quart smerald, ²⁰el quint sardònegh, el sèst sàrdi, el sètim crisòlit, l'utav berìll, el non tupàz, el dècim crisupàz, l'ündicesim giacint, el dodicesim ametista, ²¹e i dòdes port [hinn] dòdes pèrl, ognidün di port l'era de vöna pèrla. E la piaza de la cità [l'era] d'or pür cuma véder trasparént.
²²E 'n huu minga vedüü un témpi, già che 'l Signúr Diu l'Ugniputént e 'l Berìn hinn 'l sò témpi. ²³E la cità la gh'ha minga besogn del suu, né de la lüna, perchè resplendàssen in de lee, già che la gloria de/l/ Diu la l'ha lüsii e 'l Berìn [l'è] 'l sò lümm. ²⁴E i naziún caminarànn per mèzz de la sua lüs, e i rè de la tèra porten la lur gloria in de lee, ²⁵e i sò port sarànn minga saraa de dì, già che [la] nocc la sarà no là, ²⁶e purtarànn la gloria e l'unúr di naziún in de lee. ²⁷E l'andarà no denter in de lee ogni prufan e lü che 'l fa un'abuminaziún e una büsia, se no quij che [hinn] scritt in del liber de la vita del Berìn.

Navigaziun

• ← Indree a Capitel Vint
• Inanz a Capitel Vintdüü →
• A l'indes