Antonin Scalia

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
El Giudes Scalia

L'Antonin Scalia (Trenton, 11 de marz 1936 – Shafter, 13 fevrer 2016) a l'è stad un magistrad e avocat statunitens, giudes de la Cort Suprema di Stat Unid del 1986 a la soa mort, nomnad del Ronald Reagan e prim italo-american a vesser nomnad a la Cort pussee alta de la Federazzion.

Considerad un pilaster de l'ala conservatora de la Cort, l'è stad vun di esponent principai de l'originalism, cioè l'ideja che la Costituzzion americana l'è de aplicà inscì 'me intenduda di pader fondator e quand che l'è no possibel l'è un testualista, cioè el fonda la soa valutazzion nomà in sul test de la lesg.

Catolegh devot, l'ha ricevud la Mejada presidenzial de la libertà postuma in del 2018 e gh'hann dedicad la Antonin Scalia Law School a la George Mason University. Se ritegn che i so opinion i pussee important per el dirizz sien stad el so dissens - fad domà de luu - in Morrison v. Olson (in su la costituzzionalità de la possibilità de nomnà di Consilier Special per investigà in su l'esecutiv), la soa magioranza in Crawford v. Washington, che l'ha limitad la possibilità de doperà di deciarazzion dad a la polizzia foeura de la Cort e senza possibilità de scoltàll dent e in District of Columbia v. Heller, che l'ha stabilid che el II emendament de la Costituzzion di Stat Unid d'America el garantiss un dirizz individoval a havégh di armi.

Riferiment[Modifega | modifica 'l sorgent]

Alter proget[Modifega | modifica 'l sorgent]