Anniball

De Wikipedia
Jump to navigation Jump to search
Bust de Anniball ind el musee nazionall de Napoli

Anniball (247-183 a.C) el seva on condottiee cartasgines. L'è consideraa coma vunn di pussee grand condottee e statista de l'antighitaa. Lu el seva el nemis sgiuraa de la Repubblega Romanna e l ultemm leader de grand vare de Cartasgin primma de la soa borlada durant i guerr punegh.

Anniball l e nassuu ind el 247 a.C ind ona fameia d el condottiee cartasgines Amilcar. Durant l etaa de noeuv agn l aa sgiuraa de vess el nemis de Romma. L e vegnuu el cap pussee important d i armaa cartasgines in Hispania, l aa descadennaa la seconda Guerra punega, quan l aa attaccaa Saguntum. Ind el 218 a.C l e ruvaa in Itaia e l a inferii a romann d i desconfitt, ind i che la ghe seva anca quella de Canne. Ma i romann ann savuu de reciappa l iniziativa e de taca su el contrattach in Hispania e poeu in Afriga. Anniball l aa subii ona desconfitta a Zama, poeu la che Cartasgin l eva pu oltra scernida che firma la paz cont Romma. Ind 196 a.C l e staa accusaa de vess contra i romann e l e staa forzaa de na via. L e mort per el suiziddi ind e183 a.C perche el voeureva mia ced a i romann.

Anniball l e consideraa vunn d i pussee grand strategh de la storria de l Oeuroppa e anca vunn d i pussee grand condottiee de l antighitaa insemma a Lissander Magn, Giulio Cesare, Scipio e Pirros d Epir. E infinn l e anca consideraa on grand strategh militee insemma a Napoleon Buonaparte.

Orisgin d el nomm[Modifega | mudìfica 'l sorgènt]

El nomm Anniball ind la lengua fenizia el seva scrivuu senza vocai “ḤNBʻL”. El vocalism de questa parolla chi ind la lengua parlada l e on motiv de discussion. Esistenn defferent version in su l etimolosgia.

  1. Ḥanniba che el voeur di Baal misericordios[1][2] или «дар Баала»[3]
  2. Ḥannobaʻal, cont l istess significaa[4],
  3. ʼDNBʻL ʼAdnibaʻal, che el voeur di «Baal —me Segnoo»[4]; in grecch Ἁννίβας, Hanníbas.

Infanzia e gioventu[Modifega | mudìfica 'l sorgènt]

Anniball l e nassuu ind el 247 a. C. a Cartasgin ind la fameia d el condottiee Amilcar Barca. El nomm de la soa mader l e mia cognoeussuu. Lu el seva el primm fioeu de la fameia e poeu de lu inn nassuu anmò du magatt (Asdruball e Magon). Anniball l eva anca du sorell masgioo ma nissun el sa el lor nomm. El se sa che vunna de lor ind el 238 a. C la seva maridada cont Bomilacar e l eva sgiamò on fioeu che el se ciamava Annonn. L oltra sorella de Anniball la seva maridada cont Asdruball el Bell. On oltra sorella, forsi minora l a s e maridada cont el prinzipp numidegh Naravas.

A l etaa de 9 agn, el pader l aa ciappaa Anniball cont lu in Hispania, in dova el voeureva rimedia i perduu a la soa zittaa, perduu subii durant la primma Guerra punega.

El se sa mia de seguu se Amilcar l e naa in Hispania de soa iniziativa oppura se l e staa mandaa da el goverenn de Cartasgin. Primma de vess naa a questa espedizion chi el pader el feva i sacrifizzi a i Dee, e poeu on di quiist sacrifizzi chi, l a ciamaa Anniball e l aa rezeduu a lu se el voeur nagh insemma a la campagnia. Quan el tos l aa dii de vess de cordi, l aa forzaa lu de sgiura innanz a l altar de vess per tucca la vitaa el nemis de Romma senza se e senza ma. Da quell che el diseva Pollibius e di olter storregh, l e staa proeuppi l istess Anniball a vegh cuntaa su questa storria chi a el re de Siria Antiocch III.

Amilcar el voeureva che el so fioeu, el segutava i battasg contra Romma perche el sperava che Anniball el se sariss mettuu a segui i so march... Poeu de vess ruvaa a Gades (Cadiz), la colonnia cartasginesa in Hispania, Amilcar l aa tacaa su i sò espedizion de conquista. La soa mission pussee importanta la seva quella de “ meioraa i affaa de Cartasgin in Iberia”.

Anniball el viveva ind on camp militee, el cresseva e el vegniva educaa tra i guerree. In Hispania Anniball l e vegnuu amis de Magonn el Sannitt, Annonn e Anniball sorannominaa el Monomakhos i che ann segutaa lu durant la campagnia de Itaia. Poeu in Hispania insemma a lu inn ruvaa i sò fradei Asdruball e Magonn.

Anniball el gh aa vuu ona larga istruzion. I so maiester seven sia cartasgines che grecch assummuu. Per esempi el spartann Sosilius el insegnava a lu la lengua grecca. A part quest, el par proeuppi che el parlava anca d i dialett di on quai de tribu iberegh.

Cont temp Anniball l aa tacaa su de partezipa a i espedizion militee de el sò pader, da chi el ciappava l esperienza militera nezessaria. El primm affaa de Amilcar l e staa quell de vegh conquistaa i deposett de orr e arsgent de la Sierra Morena e l aa restabilii el dovrasg de la moneta d arsgent, nezessaria per paga i contribuzion a Romma. Pussee o manch ind el 230 a.C l aa fondaa ona noeuva zittaa Arca Levca, cont l obiettiv de crea on grand isediament de cartasgines per rinforza l influenza de Cartasgin. Durant l inverna 229-228 a.C Amilcar l aa tacaa su l assada de la zittaa de Elica. A l inizzi la situazion la seva fovorevola per i cartasgines, e gran part de la lora armada l e stada mandada insemma a i elefant a Arca Levca per passagh l inverena. Poeu però el leader de la tribu d i orretann, el che all inizzi el seva alleaa de Cartasgin, improvvisament l e vegnuu a iutta Elica, e i armaa de Amilcar gh ann mia vu oltra scernida che torna indree. Per salva Anniball e Asbruball, che seven tra i member de l armada, l aa tiraa versa lu i orretann e l aa mandaa i fioeu cont l oltra part de l armada in su on oltra strada. Segutaa da i oretann, Amilcar l e negaa ind el fiumm, ma i so fioeu inn riussii a ruvaa a Arca Levca san e salv.

Poeu la mòrt de Amilcar, Asdruball , che per sossen temp l e staa la soa man dritta, l e vegnuu el cap prinziapall d i armaa cartasgines. Asdruball l aa segutaa la conquista de l Iberia. Coma primm lavoo Asdruball el gh aa vuu ona vittoria schiscianta contra i orretann e inscii l aa anca vendicaa la mort de el pader. I domini cartasgines in Hispania se inn slargaa finnaa i aves d el fiumm Anas. Asdruball el s e maridaa cont la tosa de vunn d i sorann de ona tribu iberega, e l e staa proclamaa da quiist tribu chi lor re. Seconda Titus Livi, Anniball insemma a i so fradei ,poeu la mort d el pader l aa lassaa l Hispania e l e tornaa a Cartasgin. El se cred che lu l aa passaa a Cartasgin pussee o manch zinch agn e ind el 224 a.C. l e tornaa in Hispania. Anniball l aa tacaa su el servizzi de cap de cavalleria sota el comand de Asdruball.

Durant el so servizzi per Asdruball, Anniball l aa guadagnaa la reputazion de grand guerree e de comandant coeurasgos. Asdruball l aa fondaa la zittaa de Noeuva Cartasgin, che l e vegnuda la capitall de l Iberia cartasginesa. Ind el 223 a.C. ind la zittaa de Sagunt inn comenzaa i rebelott, e el so goverenn l aa rezeduu iutt a Romma. I armaa rommann ann mandaa foeura da la zittaa i sostenitoo de Cartasgin. Inscii, Sagunt l e vegnuu protettoraa romann. A l inizzi d el 221 ann a.C. Asdruball l e staa mazzaa da el sò serv, el che l aa deziduu de vendica el sò vegg Segnoo, mazzaa per ordenn de Asdruball.

Condottiee d i armaa in Hispania[Modifega | mudìfica 'l sorgènt]

Poeu la mort de Asdruball i soldaa ann scernii coma noeuv condottiee Anniball. Questa scernida chi l e stada stabilida da el giont poppollee cartasgines, e poeu on quai de mes da el consei d i vegg.

Durant duu agn (221-220 a.C.) Anniball l aa slargaa i domini cartasgines a el nord-ovest de la peninsola iberega. Ind el 221 a.C. lu l aa faa la campagnia contra la tribu d i olcad e l aa ciappaa d assalt la lora capitall Altalia. El soeuzzezz d i cartasgines l aa forzaa anca i olter zittaa d i olcadd de recognoeuss el poeud de Cartasgin. Poeu de vegh passaa l inverna a Noeuva Cartasgin l aa deziduu de moeuvess anmò pussee innanz, l aa sotamettuu i vaccee e conquistaa i lor zittaa, Salamantica e Arbocala.

Durant el retorn travers Guadaramma, lu l e staa attaccaa da i carpetann, i che inn staa invidaa a combatt da i profugh d i vaccee e d i olcadd. Anniball l aa savuu coma na via da lor e poeu l aa inferii a lor ona desconfitta, quan i carpetann ann traversaa el fiumm Tago. Poeu de quest anca i carpetann inn staa sotamettuu. Tucc i territori a sud de l Ebro inn vegnuu part d i domini de Cartasgin. Ind el istess ann el s e maridaa cont on iberega da Custolonn, che la se ciamava Imilca.

I abitant de Sagunt, preoccuppaa per l espanzion cartasginesa e la provocazion d i visin poppoll iberegh, ann mandaa i so embassadoo a Romma. E poeu a Sagunt l e tacaa su el conflitt tra i partid filorommann e filocartasgines. Da Romma l e stada mandada l embassada in Hispania. Poeu de vess ruvaa a Sagunt a la finn de l estaa d el 220 a.C. i rommann ann ordinaa de muchela cont i conflitt interenn e ann mazzaa on quai de member d el partid filocartasgines. Durant l inconter cont Anniball i embassadoo rommann ann rezeduu de trattegniss da i azion offensiv ind i confront de Sagunt. Anniball l aa rezevuu i embassadoo de Romma ind ona manera arroganta e l aa dii a lor che i cartasgines da semper defendeven i dritt d i opress. I embassadoo gh ann mia vu ona responsa diretta da Anniball e inscii inn naa a Cartasgin. Anniball l aa tentaa de provoca la violazion de la paz da part de Sagunt, per fa inscii che a tucc el par che inn quii de Sagunt a descadenna ona guerra.

Anniball l aa mandaa a Cartasgin i novell seconda i che i saguntin opprimissenn i sudditt de Cartasgin. El goverenn de Cartasgin l aa permettuu a lu de agi coma mei el cred. Ind el inverenn d el 219 a.C. poeu el falliment d i accord Anniball l aa comenzaa i azion militee. Durant l inizzi de l assada Anniball l aa ciappaa ona ferita a el basin, poeu de vess vegnuu innanz, senza attenzion versa i mur de la zittaa. Sagunt el se defendeva cont coeurasg. In estaa d el 219 a.C. da Anniball inn vegnuu i embassadoo rommann, ma lu el se refusaa de rezevei, e i embassadoo inn naa a Cartasgin. Poeu vott mes de assada, Sagunt l e borlaa gio in otugn. I omenn madur inn staa mazzaa per ordenn de Anniball e i fomn e i piscinin inn staa venduu coma sciav. Sagunt l e staa poppollaa da i colonn feniz. A Cartasgin i embassadoo rommann ann rezeduu l estradizion de Anniball, e poeu de vegh mia ciappaa la responsa da el consei de i vegg, ann declaraa guerra.

Poeu la borlada de Sagunt l aa mennaa adree la soa armada a i appartament d inverna a Noeuva Cartasgin. L e staa alora che lu l aa escogittaa on so plann de coma invad l Itaia.A la fin lu l eva mia oltra scernida : i rommann ann mandaa i lor consoll in Hispania e in Sizilia, per poeu invad l Africa. Lu el gh eva de destra i rommann da l Afriga per vegh ona scians de vittorria. Anniball l aa mandaa i soldaa ciappaa da i tribu iberegh, in Afriga per renforza i garnison che seven li. Durant l inverenn Anniball l aa tra foeura i so capazitaa de diplomategh. Inn staa mandaa d i embassadoo da i gall. Sossen de lor ann accettaa de sostegni Cartasgin.

Nepunemanch el faa che i rommann ann declaraa guerra a Cartasgin a marz, Anniball l e mia naa in espedizion per l Itaia subett. Ind la Gallia Zisalpina lu l aa provocaa el rebelott d i gall boi contra el poeud rommann, che l e tacaa su a magg. La flotta cartasginesa l aa attaccaa la Sizilia e l Itaia d el sud e inscii el consoll Tiberi Sempronius Long l e staa forzaa de deransgia l invasion de l Afriga.

La campagnia de Itaia[Modifega | mudìfica 'l sorgènt]

La carta de la campagnia Itaianna de Anniball

Da la Spagna a l Itaia[Modifega | mudìfica 'l sorgènt]

Anniball l e partii da Cartasgin a la fin de Avrill o per i primm de Magg de l ann 218 a.C. , forsi anca ind i primm de Lui. Second Polibi la soa armada la seva faa da 90 mila fantazzin, 12 mila cavaiee e 37 elefant. Pero i storregh d incoeu disenn che da Noeuva Cartasgin inn sortii 60-70 mila soldaa.

Poeu, semper second Polibi, Anniball l aa mennaa adree travers i Pirenee, 50 mila fantazzin e 9 mila cavaiee comandaa da Annonn, inn staa lassaa da Anniball in Catalonia e l istessa quantitaa de omenn inn staa lassaa a ca. E inscii el par che lu l aa perduu durant i battasg tra l Ebro e i Pirenee 21 mila personn, robba poeugh probabella. El s a anca de regoeurda che tra l Ebro e i Pirenee, Anniball el s e scontraa cont i rebelott d i ilerghett,berghusii,avsetann, erenosii d i andosinn. I cartasgines ann traversaa i Pirenee travers Serdagne e poeu travers el pass de Perche e la Vall de Tete. Di poppoll che viveven ind i territori de l attuall Roussillion, ann deziduu de opponn resistenza a la vegnuda innanz d i punegh e ann giontaa on armada a Ruscino( incoeu Castell Russillion). Anniball pero l aa daa sossen cado a i cap de tribu e l aa ciappaa da lor el permettuu de seguta a na innanz.

Versa la fin de ogust, Anniball l e ruvaa finna a el Rodann. Zirca durant l istess period el consoll Publi Còrnelli Scipion el nava longh i cost de l Etruria e de la Liguria e el s e fermaa a Massalia, per poeu na in Hispania. Anniball l aa traversaa el Rodann poeugh pussee a nord de la soa confluenza cont el Durance. La tribu d i volcae l aa tentaa de ferma la soa traversada, ma Anniball l aa mandaa la soa cavalleria d i hispanegh che l aa forzaa i volcae de na indree. Subett poeu la traversada Anniball l aa mandaa on reggiment de cavaiee numidegh, cont l obiettiv de descovri i plan d i romann. I numidegh ann incontraa i cavaiee rommann mandaa chi cont l istess obiettiv, e inscii ann taca su a dass battasg. Durant el sconter ann vinciuu i rommann e i numidegh inn staa forzaa de torna indree. Scipion, che el seva ind la Vall d el fiumm Creau, l aa deziduu de na versa Anniball. Anniball el s e retiraa cont el rena su el Rodann, longh la riva sinistra. Scipion l aa mia seguii e l e naa cont ona part de la soa armada a la Vall d el Po, per preparass a la soa defenduda e l aa mandaa l oltra part de la soa armada in Hispania.

Anniball el renava su el Rodann e l e ruvaa finna a la soa confluenza cont l Isere e poeu l aa cambiaa direzion e l e naa versa est. Lu el nava longh l Isere, finna la soa confluenza cont l Arc, in dova comenzenn a vess i Alp.

Durant i battasg contra i tribu d i mont, Anniball el traversava i Alp. Ind el noeuvesemm di poeu l inizzi d el na su, a la finn de Vottober, Anniball el seva ind la scimma d el pass. La descenduda el durava zirca 6 di e a la finn Anniball l e naa gio ind l olta vall de la Morienne. A lu inn restaa 20 mila fantazzin e 6 mila cavaiee.

La guerra-saetta cartasginesa[Modifega | mudìfica 'l sorgènt]

I schemm d el battasg in su el Trebbia, el lagh Trasimeno e a Canne

Poeu de vess naa gio da i Alp, i cartasgines ann conquistaa la capitall de la tribu d i taurin ( el fuduu Turin) peou on assada de 3 dii. L apparizion d i cartasgines in Itaia l e stada on impreviduu per i rommann. Lor ann subett reciamaa el second consoll Tiberius Sempronius Longus da Lilibeia. D i tribu gallegh ann tacaa su de passa da la part d i cartasgines, ma la presenza d i romann l a dava fastiddi a i olter tribu de giontass a Anniball. Scipion, el che in quell period li el seva a Placentia, l aa traversaa el fiumm Po e el s e moeuvuu incontra a Anniball. Anca Anniball el prevideva on battasg e el sperava che poeu la vittorria i gall sarissen passaa da la soa part. I cartasgines e i rommann se inn incontraa arent la riva settentrionala d el Po, tra i fiumm Sesia e Tessin. Primma d el battasg, Anniball l aa organizzaa per i so guerree d i “combattiment da gladiatoo”, ind i che combatteven i prisonee ciappaa durant i sconter cont i tribu d i mont. Cont quest lu el voeureva fa vide che poeu el battasg la i speccia o la vittorria oppura la mort.

Ind el battasg cont i rommann i cartasgines ann vinciuu. Quest chi l e staa on sconter tra i cavallerii, ind el che partezipaven anca i frondoo rommann. I numidegh ann attaccaa el dedree de la cavalleria rommanna e ann forzaa lor a scapa. Scipion el s e subett retiraa a Placentia. Ind la soa armada i gall ann faa su on rebelott e inn passaa da la part de Anniball. Anniball el segutava el so moeud de comportament ind i confront d i alleaa italegh de Romma, e inscii l aa ordinaa de tratta ben i prisonee, ciappaa a Clastidium.

Ind la metaa de dezember l armada de Tiberius Sempronius Longus l e ruvada a el fiumm Trebbia. Sempronius el voeureva el battasg, perche el sperava de desconfi Anniball vunna voeulta per tucc primma de la finn d el period ind el che lu el seva el consoll. Scipion iscambi el credeva che el s eva mia de agi cont pressa, perche per lu el temp el nava innanz a fovoo d i rommann. Pero Scipion el s e ammalaa, e Sempronius l e vegnuu de facto el vunegh comandant. Anniball l aa forzaa i rommann de traversa el Trebbia, l e tacaa su on battasg crudell, che el segutava finna a che da ona trappola l e sortii on reggiment de cavalleria sota el command de Magonn che l aa attaccaa el dedree de l armada rommanna. El battasg l e finii cont ona desconfitta schiscianta per i rommann. La Vittorria in su el Trebbia l aa seguraa a Anniball la Gallia Zisalpina e l aa permettuu de tira da la soa part tucc i tribu che poppolaven questa resgion chi. Poeu questa vittorria chi, Anniball l aa traversaa el Trebbia e l e naa a Bologna in dova l aa passaa l inverna.

Cont la vegnuda d i primm temp de l ann 217 a.C. Anniball el s e moeuvuu versa i Appenninn, i l aa traversaa travers el pass de Porretta e l e sortii a Pistoia. A Romma inn staa elesgiuu coma consoll Gaius Flaminius e Gnaeus Servilius Geminus. Durant l inizzi de la campagna de l ann 217 a.C. i duu armad rommann( quii de Flaminius e Servilius) inn staa mettuu in su la strada de la vegnuda innanz de Anniball versa Romma. El primm a Arretium (Arezzo), el second a Ariminium (Remin). Ma lu l aa eluduu da l ala sinistra l armada de Gaius Flaminius e el menassava lee e i sò communicazion cont Romma. Quest perche Anniball l aa scernii la strada pussee curta, travers Parma e i litton de Clusio, allagaa durant la piena d el fiumm Arno. Durant la traversada d i litton Anniball l aa ciappaa on infiammazion d i oeucc sossen grev e de consequenza l aa perduu vunn d i lor, e durant tucc el rest de la vitaa lu l e staa forzaa de mennaa adree ona fasetta. Da i litton de l Arno, Anniball l ee sortii ind i press de Fiesole. Lu l aa faa d i incursion in su la resgion de Chianti. Savuu quest lavoo chii, Flaminius l e naa incontra a Anniball el che l aa fingiuu de retirass. Cont el dovrasg d el sbai d el sò nemis, Anniball l aa organizzaa ona trappola ind on sit arent el lagh Trasimeno, e durant el battasg sanguinos, in dova l e mort l istess Flaminius per man d el gall insuber Ducari, l aa inferii a el nemis ona desconfitta. Pussee o manch ind l istess moment Gnaeus Servilius l aa manda 4000 cavaiee comandaa da el propretoo Gaius Centenius. Poeu de vegh savuu el resultaa d el battasg d el lagh Trasimeno, Centenius l aa cambiaa la direzion per l Umbria. Anniball l aa mandaa a lu la cavaierria che l aa desfaa quella rommanna. Poeu de quest, Anniball el s e moeuvuu travers l Umbria, l aa traversaa la Via Flaminia e l aa giraa a est, versa el mar adriategh, e cont el naa longh i sò còst l e ruvaa in Puia. Poeu la vittorria d el lagh Trasimeno, Anniball el se troeuvava domaa a 80 miia da Romma, e in mezz a lu e la “zittaa eterna” ghe seven mia d i forz rommann de grand significaa. La soa armada la cuntava 50-55 mila omenn. A part quest, in Etruria, mia lontan da el camp de Anniball l e vegnuda la flotta cartasginesa de 70 nav. L e probabell che l obiettiv de quest ruv chi el seva quell de attacca Romma. Nepunemanch quest però Anniball l e mia naa a Romma. I storregh moderenn mennenn innanz l ipotesis seconda la che l armada de Anniball la seva mia assee numerosa per attacca ona zittaa inscii granda e fortificada e regoeurdenn l impossibelitaa de blocca Romma per el faa che la flotta rommanna la fava da Segnoo in su el mar. Forsi Anniball el credeva che se lu l ariss faa l assada, lu el sariss staa el bersai per i olter armadd rommann.

Per el dansger ind el che la s e troeuvada la lora Patria, i rommann ann daa el poeud dittatorriall a Quintus Fabius Maximus Cunctator. Lu l e staa scernii da el senatt. El so iuttant ,el cap de la cavalleria l e staa scernii ind el giont poppollee anca lu. El sò nomm el seva Marcus Minucius Rufus. Fabius l e ruvaa in Apulia. Savuu de la soa vegnuda, Anniball l aa faa na via la soa armada da el camp ind l istess di e i l aa faa organizzaa per on noeuvv battasg. Fabius però el s e faa mia ciappa da questa provocazion chi.

El dittatoo rommann l e passaa a ona noeuva tattica ,idest a quella li de fa vegni strach el nemis cont d i incurision e cont el attaccall in sossen occasion ma fall combatt per poeugh temp ògni voeulta. Seconda quell che el scriveva Titus Livius, Anniball el seva preoccuppaa per el faa che i rommann voeureven mia combatt e inscii l aa tentaa de forza lor a dagh battasg a i cartasgines, cont el robba adree e el mett a ferr e foeugh la Apulia, ma Fabius el segutava a fa coma mei el credeva. A quell pont li Anniball l aa deziduu de moeuvess a sud. Poeu de vess ruvaa ind el Sannio, de vegh robba adree i terr de Benevento e de vegh occupaa la zittaa Telesia, Anniball l e naa in campagnia per invid d i campann che seven ostill a i rommann.

Per on sò sbai Anniball el s e retroeuvaa ind on sit attornaa da tucc i part da mont e fiumm. Durant l istess period Fabius l aa occupaa tucc i passagg d i mont, ma Anniball grassie a la soa furbizia l e sortii da la trappola e l e riussii a ciappa Eronium. Marcus Minucius Rufus el seva pussee deziduu e el voeureva el battasg contra i cartasgines. Quan Fabius l e partii per Romma per partezipa a i rituai relisos, Anniball l aa attaccaa lu ma poeu el s e retiraa, per fall cred de vegh vinciuu. A Romma i sostenitoo de Minucius ann rezeduu dritt uguall tra el dittatoo e el cap de la cavalleria e a la fin el s aa faa proeuppi inscii. L armada rommanna la seva partasgiada in duu: l armada de Fabius e l armada de Minucius. Minucius l aa ciappaa part a el battasg contra Anniball e l e borlaa giò ind la soa trappola perche el condottiee punegh l aa sconduu d i cartasgines che ann attaccaa el dedree de l armada rommanna.

Anniball el cunta i anell d i cavaiee rommann mazzaa durant el battasg. Statua de Sébastien Slodtz, 1704 Louvre

A quel pont li però l e vegnuu Fabius in iutt a Minucius e Anniball l e staa forzaa de desmett el combattiment. Quest event chi l aa salvaa Romma anmò ona voeulta per el faa che Fabius l e riussii a guadagna temp. Poeu la fin d el terminn de la dittatura de Fabius, i consoll Gnaeus Servilius Geminus e Marcus Attilius Regulus ann ciappaa anmò el mandaa de comand d i armad. Durant i azion de combattiment arent Eronium lor dovraven i tattegh de Fabius. I cartasgines ann taccaa su de soeuffri de ona fòrt mancanza d el mangia. Ind el 216 a.C. inn staa elesgiuu d i noeuv consoll, idest Gaius Terentius Varro e Lucius Aemilius Paulus. L armada de la Repubblega rommanna la cuntava su tra i 87 mila e i 92 mila omenn. I armad de Anniball seven strach per i sossen espedizion e da Cartasgin inn mia ruvaa i renforz. Versa la fin de l estaa el mangia per i punegh l e finii e Anniball el s e moeuvuu a Canne. El battasg de Canne l aa cambiaa radicalment el rappòrt d i forz. I Cartasgines seven mettuu in su el territori a forma de falc, ind el zenter d el che el ghe seva la fanteria e ind la periferia la cavalleria africanna. I fantazzin rommann ann taccaa su de desfonda la defensa ind el zenter lentamentn quan la cavalleria de Anniball l aa desfaa d el tucc quella d i nemis. El grupp d i soldaa rommann attornaa el seva squas d el tucc faa foeura. Durant el battasg i rommann ann perduu zirca 50 mila omenn e i cartasgines 6 mila.

Poeu el battasg el cap de la cavalleria cartasginesa Magarball l aa dii che tra quater dii el insognava de festeggia a el Capitoli de Romma. Anniball l aa responduu che lu el gh eva de pensa. A quell pont li Margaball i l aa dii: “Ti te saveet coma vinc, ma te saveet mia coma dovra la vittorria”. Per Anniball l obiettiv de la guerra el seva mia quell de desfa l avversari, ma quell de spantega l egemonnia de Cartasgin ind el Mediterranee ozzidentall e quell de reciappa la Sizilia, la Corsiga e la Sardinia. A part quest Romma la seva ona zittaa sossen fortificada e per la soa assada el ghe sariss staa el busogn de la tecnega che Anniball el gh eva mia. Però l e probabell che i insgeniee punegh poeudeven fa su i mascinn d assada, anca perchè ind i olter part lu i aa sgiamò dovraa. Lu el specciava la rezeduda de la paz da part d i rommann, rezeduda che a la fin l e mia ruvada. Anniball l aa proponnuu a el senaa el ranson per i prisonee e cont quest tacca su la preparazion per i cordi de paz, ma el senaa l aa responduu de nò. Alora lu l aa deziduu de vess anmò pussee attiv diplomaticament e inscii da la soa part inn passaa i apulegh, i sannitt, i lucann e i bruzz.

Da el primm battasg de Nòla finna la borlada de Capua[Modifega | mudìfica 'l sorgènt]

Poeu el battasg de Canne Anniball el s e moeuvuu a Napoli, ma l aa deziduu de attaccall mia e l e naa a Capua. A Capua feeven da Segnoo i sentiment antirommann e inscii i abitant de la zittaa inn passaa da la part d i cartasgines.

Poeu de vegh faa resta el presiddi a Capua el condottiee cartasgines l aa conquistaa Nuceria e l aa tentaa de ciappa Nòla ma Marcellus l aa savuu defend la zittaa e l aa inferii a Anniball ona desconfitta.In seguitt, i cartasgines ann tenta senza soeuzzess de fa ced Acerri, ma quan i sò abitant ann refusaa, i punegh ann robbaa adree e brusaa la zittaa. Poeu el tentativ senza esitt positiv de conquista Casilin ,Anniball l e naa via a arposa per l inverna a Capua.

Ind el 215 a.C. Marcellus,Gracus e Fabius che seven a cap d i trè armad gh even de attorna Capua in dova el ghe seva Anniball. I cartasgines ann conquistaa Casilin, Petelia e Consenza. I bruzz ann conquistaa iscambi la zittaa grecca de Crotone e poeu de lu anca Locri, in dova cont el passa de mia sossen temp inn ruvaa in renforz da Cartasgin. Ind i primm temp oppura in estaa ind el Bruttii l e desbarcada l embassada de la Mazedonnia cont l obiettiv de firma on cordi cont Cartasgin. Quest cordi el se presentava coma on iutt coresponduu: iutt per Filipp da part de Anniball in Grechia, e da Filipp per Anniball in Itaia. El re de Siracusa Geronim, sota pression d el sò ambient l aa mandaa i sò embassadoo da Anniball e a Cartasgin e l aa firmaa cont lu on alleanza. A la fin de l estaa Anniball l aa tentaa anmò de conquista Nòla, ma l e staa desconfii e alora l e naa in Puia, ind la peninsola d el Gargano a resta li per l inverna cont el vegh lassaa ona part de la soa armada a assadà la zittaa. El passa l inverna d i armad cartasgines a Capua l e staa semper considerada da la tradizion analitega rommanna coma vunn d i error stratesgegh pussee grand de Anniball, error che l ariss contribuii a desfa la soa armada. D i storregh d incoeu inn mia de cordi cont questa tesis chi, e argomentenn cont el faa che Anniball el gh aa vuu di vittorri ind l Itaia d el sud anca poeu de vegh passaa l inverna a Capua.

Ind el primm temp d el 214 a.C Anniball l e tornaa a el sò camp militee in su el mont Tifata, mia lontann da Capua. Poeu l aa robbaa adree Cumae e senza soeuzess Poteoli e Napoli. Nòla l e stada defenduda anmò da Marcus Claudius Marcellus. Ona delegazion de sgiovin aristocrategh da Tarentum l e vegnuda da Anniball cont l obiettiv de proponn de ced la zittaa a Cartasgin. Anniball el s e moeuvuu versa Tarentum ma el consoll Marcus Valerius Laevinus l aa faa in temp de preparass per la defenduda. In otugn Anniball l e tornaa in Apuia e l aa passaa l inverna ind la zittaa de Salapia.Seconda Gaius Plinius Secundus lu el gh aa vu on rapport cont ona prostituta locala.

Ona bona part de l estaa d el 213 a.C. l e stada passada ind el Salento. A sgenee d el 212 a.C. Anniball cont l astuzzia l aa ciappaa Tarentum. Mia poeu sossen temp a Anniball ann ceduu i zittaa Metapontum e Sibaris. In Campania la guerra la seva mennada adree cont sovens soeuzzess. Capua la seva ciappada d assada da i rommann. Anniball l aa inferii ona desconfitta a i rommann a Herdonia. Poeu de quest lu l e vegnuu a Capua e l aa traa via l assada. Ma proeuppi quan Anniball l e naa via in Apuia, la zittaa l e stada ciappada d assada anmò. El condottiee cartasgines l aa passaa l inverna 212/11 ind el Bruzzi.

Ind el 211 a.C. lu l aa tentaa de tra via l assada da Capua ma l e staa desconfii da i armad rommann che seven adree a tegni l assada de la zittaa.A quell pont lu l aa deziduu de fa ona manòvra de distrazion versa Romma cont el spera che i rommann sarissen naa via da Capua. Arent Romma ann tacaa su de menassa la zittaa con l invasion. Anniball l aa deziduu de attacca mia Romma per el faa che quest ultemma la seva ona zittaa fortificada fess e la preparazion per la soa assada l ariss occupaa pussee o manch 1 ann. Poeu de vess restaa on poeu de temp arent Romma, lu l e naa indree. La fras “Anniball l e a i uss” (Hannibal ante portas) l e vegnuu on motto. Capua a la fin l aa ceduu a i romman. Questa chi la seva stada ona granda perduda per Anniball. El mazzament d i abitant de Capua da part d i rommann l aa faa vegni pussee scagg a i abitant d i olter zittaa, passaa da la part d i rommann. La borlada de Capua l aa dimostraa l impòtans de Anniball, el che l aa mia savuu evita la desconfitta de l alleaa italegh pussee fòrt e influent. La soa otòritaa tra i alleaa italegh el s e ciarament sbassada. In sossen de quist chi inn tacaa su i rebelott prorommann.

Da el second battasg de Herdonium a el retorn de Anniball[Modifega | mudìfica 'l sorgènt]

Ind el 210 a.C. Anniball l aa inferii ona desconfitta a i rommann durant el battasg de Herdonium, e poeu la guerra la ghe seva in Apuia cont soeuzzess periodegh. Salalia, vunna d i primm passada da la part d i cartasgines l aa tradii lor e l e tornada da la part d i rommann.

Ind el inizzi de l estaa d el 209 a.C. Quintus Fabius Maximus l aa assadaa Tarentum. Anniball che in quell moment el seva ind el Bruzzi el voeureva dagh fastoeuddi. Marcellus l aa ciappaa l ordenn de distra Anniball. Lu el nava adree a Anniball finna l Apuia, in dova arent Canusium el ghe staa on battasg ind el che ann vinciuu i rommann. Quan Anniball l e vegnuu a Tarentum ,la zittaa la seva sgiamò conquistada da Fabius cont el iutt de on tradiment. Alora lu l aa tentaa de ciama Fabius a combatt arent Metapontum, ma Fabius l e mia borlaa giò ind la soa trappola.

Ind el 208 a.C. el consoll Titus Quincius Crispinus l aa tentaa de conquista Locri ma Anniball i l aa mia permettuu quest. A quell pont li Crispinus el s e giontaa cont Marcellus. Tucc i duu consoll voeureven da a Anniball battaasg dezisiv. Anniball l aa organizzaa ona trappola per i rommann ind el che l e mòrt el consoll Marcellus e l e staa grevement ferii Titus Quincius Crispinus. Poeu de quest Anniball l aa tentaa de ciappa cont l astuzzia Salalia, ma el gh aa mia riussii: el sò plann l e staa descovrii. Poeu de vessess moeuvuu versa Locri i cartasgines ann attaccaa i rommann che seven adree a tegnigh l assada e ann forzaa lor de torna indree.

Anniball el fondava i sò speranz per el seguta i soeuzzess ind la campagnia de Itaia in su el giont cont el sò fradell Asdruball, che el seva adree a vegni da l Hispania. El consoll Gaius Claudius Nero el s e moeuvuu versa Anniball e el gh aa vu ona vittorria a Grumentum. Durant l istess period Asdruball l e ruvaa in Itaia, ma la soa lettera adressada a el fradell l e fignida ind i mann d i rommann. Nero el s e giontaa cont on olter consoll Marcus Livius Salinatòr e l aa inferii ona desconfitta a Asdruball el che l e mòrt ind el battasg. I cartasgines gh even pu i possibelitaa de manda i sò armadd in iutt a Anniball el che el soa voeulta el gh aa mia vu oltra scernida che lassa l Apuia, la Lucania cont el retirass ind el Bruzzi. L estaa d el 205 a.C. l e stada passada da Anniball arent el templi de Sgiunòna d el Lazio. Li lu l aa faa su on altar cont ona scrivuda ind i lengh feniz e grecch, ind i che lu el cuntava su i sò peccaa. Ind el istess ann el senatt l aa mettuu in carega el consoll Publius Cornelius Scipio de preparass a sbarca in Afriga. Locri la seva ciappada da i rommann. Proeuppi li l e ruvaa anca Scipio che el seva adree a moeuvess per la Sizilia. Anniball l aa deziduu de attacca mia Locri e el s e retiraa. Ind el 204 a.C. Scipio l e sbarcaa in Afriga e l aa inferii li d i desconfitt a i armadd cartasgines. Durant l istess period Anniball el mennava adree ona guerra de defensa contra i romman ind el Bruzzi. Cartasgin l aa firmaa l armistizzi cont Scipio per reciama Anniball.

La guerra in Afriga[Modifega | mudìfica 'l sorgènt]

Cornelius Cort. "Battasg de Zama" 1567

Poeu de vegh ciappaa l ordenn de torna in Afriga, Anniball l aa menna adree i soldaa in su la nav a Crotone. Ind l otugn d el 203 a.C. lu l e ruvaa senza troeuva ostacòi per straa e l aa raggiongiuu Leptis cont la soa armada de 24 mila ommen e l aa mettuu la soa armada a Hadrumet. Lor ann passaa l inverna a Bisazzia. Durant l inverna lor seven adree a preparass durament per l inizzi de la campagnia. Lu el troeuvava i provviduu de pan, el comprava i cavall el feeva i alleanz cont i tribu numidegh.

La campagnia d el 202 a.C. l e taccada su cont la violazion d el armistizzi da part d i cartasgines. Scipio l aa subett reciamaa el soran numidegh Massinissa, ind el moment ind el che lu l aa faa on incursion ind la vall d el fiumm Bagrdad (Meggiera) e l aa occupaa i straa de ruv de terra per Cartasgin. El consei de Cartasgin l aa mandaa ona delegazion a Anniball a Hadrumet, cont el rezed de agi subett contra Scipio. Nepunemanch la lenta retirada la feeva mia part d piann de Anniball, lu l e staa forzaa de sorti ind la resgion de la zittaa de Zama, che la se troeuvava a zinch di de vòiasg cont i pe da Cartasgin.

Poeu de vess ruvaa arent Zama, Anniball l aa mandaa d i sò spion a el camp d i rommann. Quiist spion chi però inn staa fermaa da i rommann e forzaa de na da Scipio.El proconsoll l aa ordennaa la tribuna de compagna i spion e di fagh vide el camp militee rommann. Poeu de quest ,Scipio l aa lassaa de na i cartasgines e i l aa conseiaa de cunta su tucc a i lor cap. Cont el fa inscii Scipio l aa ripettuu l azion de l imperatoo persiann Xerxes in su el che lu el poeudeva lesg da Heròdòtòs. Quest corasg e segurezza ann incuriosii Anniball e lu l aa proponuu a Scipio de organizza on inconter. Durant l istess moment Massinissa l e ruvaa a el camp rommann. Ind el inconter Anniball l aa proponuu a Scipio de accetta i sò condizion, ma Scipio l aa di de nò.

Ind el prossemm di l e comenzaa el battasg. Ind el battasg i elefant cartasgines che seven covertuu da i frezz ann descordenna la cavallerria greva punega. La fòrta cavalleria numidega de Missinissa l aa forzaa de corr via la cavalleria cartasginesa. Poeu de vess tornada a combatt ,la cavalleria numidega l a colpii el dedree de la fanteria d i cartasgines. Anniball cont ona division mia granda de cavaiee l aa corruu a Hadrumet.

Quan lu l e staa reciamaa cont orsgenza a Cartasgin lu l aa sgiamò perduu la speranza de seguta la guerra cont soeuzzess e inscii l e naa cont l obiettiv de fa su la paz. I member de l organizzazion d i Barchid che seven adree a sostegnill credeven mia che la guerra la seva perduda. Ind el istess moment Scipio l aa taccaa su de preparass a l assada de Cartasgin, ma proeuppi alora da lu seven ruvaa i embassadoo cartasgines cont la rezeduda de paz. A Tunett inn taccaa su i descoruu per vegni a on cordi.Scipio l aa proponuu i condizion de la paz: Cartasgin el refusa i territori che inn mia in Afriga, el ced tucc i nav da combattiment, manch che i des e coma olter lavoo Cartasgin, el poeud mia fa guerra senza el permettuu d i rommann, e reda a Massinissa i sò vegh e dominion. Anniball l aa consideraa quiist condizion chi da accetta. El par proeuppi che lu el seva adree a pensa che se i cartasgines arissen seguta la guerra, lor sarissen staa faa foeura, e iscambi el period de paz el poeudariss de servi per recovra i forz. A Cartasgin inn pizzaa su i debaa tra chi che seven favorevoi a la paz e chi che ghe seven contra. La situazion l e anca ruvada a el pont che on mia cognossuu de nomm Ghiscòn el parlava innanz a i embassadoo de la gionta poppollee in su el fa che el se poeud mia accetta la paz, Anniball l aa forzaa lu de vegni giò da la tribuna, azion che a chii temp li la seva considerada ona granda sfasciadonza e manch de respett. Azion per la che poeu l istess Anniball el s e stremii e la rezeduu scusa. I embassadoo cartasgines inn naa a Romma e el senaa l a mettuu in carega Scipio de fa su la paz. Ind el camp rommann el cordi el seva segnaa cont i firm e i march. La seconda guerra punega la seva fignida.

El politegh cartasgines[Modifega | mudìfica 'l sorgènt]

El se sa mia che el feeva Anniball durant i agn che inn vegnuu subett poeu la firma d el trattaa de paz. Mersi a Scipio Anniball l e riussii a resta in libbertaa nepunemanch el faa che i rommann anmò ind el 218 a.C. ann rezeduu la soa estradizion coma el colpevoll de la guerra. Da quell che el seva adree a di Dionus Cassius, lu l e finii a el tribunall per el faa che l e riussii a ciappa el controll in su Romma e l aa attribuii a s istess la vittorria ind la guerra. Nepunemanch la desconfitta Anniball el segutava a vess consideraa on eroe nazionall. Lu l e mia staa mettuu sota da punizion perchè el clan d i Barchidn l aa savuu coma tegni la lora influenza poeu la fin de la primma guerra punega.Cornelius Nepot el scriveva che el seva anmò a cap de l armada coma primma. Però el vegn remarcaa che el sò fradell minoo Magon el che probabilment el seva in servizzi a Anniball ( informazion mia confermada), el seva mòrt ind el ann 203 a.C. Quest faa chi el fa la fras de Nepott mia vera. Nepott el scriveva anca che Anniball el segutava de fa la guerra in Afriga finna a el 200 a.C., ma el se capiss mia contra chi. El scrittoo rommann Secstus Aurelius Victor l aa spantegaa la lesgenda seconda la che Anniball l ariss forzaa i sò soldaa de lavora in su i piantasgion d i oliv, perchè el voeureva mia che durant el period de paz i sò combattent se sarissen degrada moralment. El par che Anniball l e uffizialment vegnuu cap de la soa armada ind el 199 a.C.

Antiocch III el Grand

Ind el 196 a.C. Anniball l e staa elesgiuu coma suffett idest l òtòritaa uffiziala de pussee prestisg de Cartasgin. El nomm d el sò camerada el seva mia cognossuu. La ghe ona supposizion seconda la che Anniball in quell ann li l e vegnuu el vunegh suffett. Primma lu l e riussii de ciappa mersi a el giont poppollee la lesg per la che i sgiudes seven elesgiuu ognidun ann, e coma olter lavoo el sgiudes istess el poeudeva occupa l istess titor de lavoo per duu period de mandaa consecutiv. Primma de questa reforma chi el mandaa de sgiudes el seva per tucca la vida e el vegni part de la class d i sgiudes el poeudeva vess domaa poeu l occupazion d el sit de lavoo, ciamada da Titus Livius, coma ind el analogh rommann, questoo. La reforma la gh eva l obiettiv de na contra i oligarch per tragh foeura el poeud reall. Questa reforma chi la seva on vittorria ind la politega interna de Anniball. A Cartasgin mancaven i danee per paga i contribuzion a Romma e inscii el goveren el voeureva de fa su ona noeuva tassa. A quell pont li Anniball l aa deziduu, poeu de vegh controllaa i spes d i danee, l aa troeuvaa ona granda quantitaa di violazion e artefizzi che lassaven i oligargh de ciappa per lor i danee d el staa. Innanz a el giont poppollee Anniball l aa declaraa che lu el forzera i oligargh de reda indree i danee da lor robbaa. El par che i oligargh gh ann mia vu oltra scernida che reda ona part d i danee. Cont quiist azion Anniball l aa guadagnaa sossen nemis. I memer de la frazion nemiga d i Barchid ann accusaa Anniball de vegh d i rapport secrett cont el soran siriagh Antioch III, l obiettiv d el che el sariss el descadenna de la guerra contra Romma. El senat rommann l aa ciappaa la dezision de manda l embassada da Anniball per fall sgiustifega innanz a el consei d i vegg. Anniball el prevideva la probabelitaa che lu el sariss staa forzaa de corr e l aa fa in temp de preparass. De nocc Anniball, seduu a cavall, l e sortii versa la soa residenza arent el mar, in dova la ghe seva sgiamò la nav preparada. In su questa nav chi l e ruvaa a la isla de Cherchenna. In su i rezeduu demandaa a lu el respondeva de vess adree a na a Tir per ona mission importanta. Da Cherchenna Anniball l e naa via a Tir che in quell period li el feeva part d el staa d i Seleuchid.

L esili[Modifega | mudìfica 'l sorgènt]

La repubblega rommanna e l imperium d i Seleuchid ind el 200 a.C.

A Tir Anniball l aa faa di cognoeussenz i che poeu se inn rivelaa utell. Poeu l e naa a Antiochia in dova el voeureva videss cont el soran Antiocch III, ma el re siriagh l e sgiamò naa a Efes. Ind l otugh d el 195 a.C. Anniball l aa finalment incontraa Antiocch a Efes. In quell period li Antiocch el seva adree a menna adree ona “guerra freggia” cont Romma. Lu el mennava adree ona politega de conquista e el ruvava semper pussee arent a la Grecchia che la seva sota el prottettoraa romman. Antiocch el gh eva scagg de la cressuda de l influenza de Anniball, che la sariss soeuzzeduda de seguu se Antiocch l ariss nominaa Anniball coma cap d i sò armaa.

In l inverna d i agn 194/193 a.C. Antiocch l aa taccaa su a tratta cont Romma cont el spera de forza i rommann de recognoeuss i sò noeuvv conquist territoriall. Però quiist trattaviv mia ann mia mennaa adree a nagott. Ind l otugn de l ann 193 a.C. i trattativ inn recomenzaa, ma inn fignii cont la litt. L embassadoo rommann Publius Villius Tappullus l aa tenta de descovrii i piann de Anniball e de danesa la soa reputazion a i oeucc de Antiocch. Titus Livius e poeu de lu anca Appiann e Plutarch cuntenn su in su l inconter de Anniball e Scipion che l e soeuzzeduu a Efes a la fin de l ann 193 a.C. Inscii el seva quest inconter quii a i oeucc de Plutarch:

“Disen che a Efes se inn incontraa anmò vunna voeulta, e quan lor seven adree a passeggia, Anniball el nava innanz nepunemanch el faa che la posizion pussee de prestisg la seva pussee sgiusta per el vincitoo Scipion, ma Scipion l e restaa citt e el segutava a fa inscii coma se l ariss soeuzzeduu nagott”.


Anniball l aa proponuu a Antiocch de manda in Afriga on corp de espedizion che el gh ariss vu de sping Cartasgin a la guerra contra Romma. Lu l aa mandaa a Cartasgin el sò agent, el mercant de Tir Ariston che el gh eva de spantega la tension. Ma i rommann ann descovrii el sò piann el che poeu l e fallii. Poeu l inconter de Efes la situazion de Anniball ind el palazz d el soran de Siria l e vegnuda pesg. Antiocch l aa comenzaa de sospetta lu de vegh d i simpatii prorommann. Anniball l aa rasseguraa lu cont el vegh cuntaa su a lu d el sò sgiurament, ma i lor rapport inn mia vegnuu sossen mei. Ind el inizzi d el 192 a.C. Anniball l aa proponuu a Antiocch de concentra i sò armaa ind l Epir e de tacca su la preparazion per l invasion de l Itaia.

Ind el 192 a.C. l e taccada su la guerra de Siria: Antiocch l aa mennaa adree la soa armada in Grecchia ma l aa subii ona desconfitta a Fermopill e el gh aa mia vu oltra scernida che torna indree in Asia. Coma olter lavoo la flotta sirianna l e stada danesada fess durant i battasg contra la flotta rommanna. Per quest motiv chi Antiocch l aa mandaa Anniball a Tir e l aa affidaa a lu de fa su e equipaggia on noeuv escadron. Anniball l aa giontaa la flottaa e el s e moeuvuu versa el mar Egee. Arent el sbocch d el fiumm Eurimedont la flotta de Ròdòs l e vegnuda incontra a la flotta de Anniball. Ind el battasg i ròdòsitt ann inferii ona desconfitta a i feniz e ann bloccaa el lor pòrt Corachessia. Pussee o manch durant l istess period anca i armaa siriann sota el command de Antiocch gh ann vu ona desconfitta arent Magnesia ind el sgenee d el 189 a.C. El soran el gh aa mia vu oltra scernida che firma la paz sota i condizion d i rommann, vunna d i che la seva la cònsegna de Anniball.

I ultemm agn de vitaa[Modifega | mudìfica 'l sorgènt]

Poeu de vegh savuu quest lavoo chi, Anniball el par che l e naa via a la zittaa de Gortina a Creta. Domaa Cornelius Nepott e Sgiustin gh ann el menzionament d el faa che Anniball el se troeuvava a Creta. Proeuppi per quest motiv chi la gh e ona lesgenda de coma Anniball el scondeva el sò òr da i sciatton cretes:

“ Chi l omm pussee furb de la Terra l aa armarcaa che el fignira ind ona granda disgrazia per la sciattonanza d i cretes se el se fara mia vegni in ment ona soluzion.El faa l e che lu l aa mennaa adree sossen danee e el saveva che i vos in su de lor se inn sgiamò spantegaa. Alora lu l aa deziduu de fa inscii: L aa ciappaa sossen amfor e i l aa infolzii de piomb e poeu i l aa covrii de òr e arsgent. Quiist contenitoo chi inn staa mettuu da lu ind el templi de Diana sota i oeucc d i zittadin pussee rispettabell, cont el fing de affida i sò danee a l onestaa d el poppoll. Poeu de vegh confonduu i ment de lor, lu l aa versaa i sò danee ind i statòi de ramm, mennaa adree da lu istess e l aa buttaa lor ind el sgiardin de la soa ca. E inscii i cretes ann taccaa su a fa da vardia a el templi mia sossen per defendell da i forestee, ma da Anniball viduu che lor gh even scagg che lu i l ariss ciappaa e i l ariss mennaa adree con lu”.

Poeu de quest Anniball l e naa in Armenia la che l aa declaraa l indipendenza da i Seleuchid. El soran armenn Artasces I poeu de vegh scoltaa el consei de Anniball l aa fondaa la zittaa de Artacsatt e l aa incaregaa lu de mena i lavoo d el falla su.

Pussee o manch ind el 186 a.C. Anniball el s e moeuvuu versa Prussi, el soran de la Bitinia, el che in quell period li l aa comenzaa la guerra contra el soran de Pergamm Eomenos vunn d i alleaa d i rommann. Gh inn mia d i faa zertificaa in su la partezipazion de Annibarall, però Cornelius Nepott el cunta su de l astuzzia d el condottiee punegh durant el battasg contra la flotta de Pergamm.

“Quan tucc i duu escadron se inn mettuu preparaa e el sconter, ma anmò el gh eva mia el signal per tacca su el battasg, Anniball l aa mandaa innanz el sò messaggee cont l asta ,per fa save a i sò omenn in dova el se troeuvava Eomenn. Poeu de vess ruvaa arent i nav d el nemis, l embassadoo l aa cònsegnaa la lettera e l aa di de vegh de dalla a el soran. Per el faa che nissun el gh aa mia vu d i dubbi in su el faa che la lettera la gh eva de contegni d i rezeduu de paz, l e stada subett mennada adree per cònsegnalla a el soran e lu poeu de vegh troeuvaa el comandant per i sò nav, l e tornaa li d in dova l e vegnuu. Eomenn iscambi, l aa dervii la lettera ma el gh aa troeuvaa domaa d i insult. Poeu de vess restaa a bocca dervida per el faa che el capiva mia l obiettiv de questa lettera chi, lu l aa deziduu de perd mia temp e de tacca su el battasg. Durant el sconter d i nemis i bitiniegh, che seven adree a esegui i òrdenn de Anniball, ann attaccaa tucc insemma la nav de Eomenn. Eomenn el s e troeuvaa ind ona situazion de poeud mia defendess da la lora incursion, lu l aa tentaa de salvass cont el corr via, e el ghe sariss mia riussi se el se sariss mia sconduu ind vunn d i sò pòrt fortificaa che seven situaa ind i còst li arent. I olter nav de Pergamm iscambi seven adree a attacca semper con pussee gramizzia finna a che in taccaa su de borla sora i lor coo i vas de terra creaa d i che mi parlavi chi de sora. Quiist vas primma ann faa ghigna i solda pergames per el faa che el se poeudeva mia capi el motiv per el che i nemis feeven inscii. Ma poeu, quan lor ann viduu che i sò nav seven sgiumai infolzii de serpent, seven tucc terrorizzaa da la noeuva arma, e per el faa che saveven mia da che salvass coma primm lavoo in scapaa ind i sò pòrt. E inscii Anniball cont el dovrasg la soa astuzzia l aa vinciuu i armaa de Pergamm. E mia domaa in quest battasg chi, ma anca ind i olter battasg de terra lu el vincieva i sò nemis cont tettegh simill a quest chi”.

El ghell cont su Prussi, el soran de Bythinia

In quest period chi Prussi el voeureva fonda ona noeuva capitall d el sò regn che la gh eva de vess pussee a mezzdi de quella veggia. El se sa mia de chi la seva l idea de fa su la zittaa a i pe d i mont Olodagh. La zittaa l aa ciappaa el nomm el Proza e incoeu la se ciama Broza. El se dis che el primm plòch de la soa fondazion l e staa mettuu da l istess Anniball.

Ind el 183 a.C. Eomenn l aa mandaa i sò embassadoo a Romma. I embassadoo ann dii ann di che el soran de Bitinia l aa rezeduu iutt a Filipp de Mazedonia, e inscii anca lor ann deziduu de fa l istess. El senaa l aa deziduu de manda Titus Quinctius Flaminius in Bitinia. Plutarch, Appian e Titus Livius scriveven che i rommann saveven mia che Anniball el seva ind el palazz e iscambi Flaminius el gh aa savuu sgiamò in Bitinia. In Bitinia Flaminius l aa rezeduu a Prussi l estradizion de Anniball. L e possibell che l istess Prussi l aa cònsegnaa Anniball a i rommann perchè el voeureva guadagna la lora simpatia. I soldaa de Bitinia ann attornaa Anniball a Libizza, on zicch pussee a ozzident de Nicomedia. Tucc i sorti seven seraa da i guerree de Prussi. A quell pont li Anniball l aa bevuu el velen da l anell, che el mennava adree semper.

Personalitaa[Modifega | mudìfica 'l sorgènt]

Statua de Anniball, visin a el palazz de Schönrbrun, Vienna

L istoregh romman Titus Livius el dis:

“ L e mai soeuzzeduu che l anema de l istessa persona l e inscii bona per tucc i duu dove, inscii defferent tra lor: el save de coma comanda e el save de coma sotamettess; proeuppi per quest motiv chi el seva diffizill capi per chi lu el seva pussee scerr? Per el comandant prinzipall oppura per la soa armada. Asdruball l a mai nominaa nissun coma cap de la division, per i che seven nezzessari el corasg e la capazitaa de molla mai, cont pussee desideri; ma anca i guerree seven mai staa inscii seguu de s istess e corasgos sota el command d i olter cap. La tolla cont la che lu el nava semper innanz incontra a el dansger la seva ugual domaa a la prudenza cont la che el combatteva l istess dansger. El esisteva mia ona difficoltaa innanz a la che lu el vegniva strach de corp o el borlava giò de spirett. Lu el supportava el cold e el fregg cont l istessa pazzienza; el mangiava e el beveva domaa perche el rezedeva la natura, mai per svagh; el organizzava el sò temp per resta dessedaa o per na a dormi ma el dava mia sossen attenzion se foeura el seva el di oppura se la seva la nocc, lu el dormiva domaa ind i chii or che seven libber da el lavoo e coma oltra robba lu el dovrava mia i lecc molesin e el rezedeva mai el silenzi per indormentass; sovens lu el seva viduu covertuu da el mantell militee in mezz a i soldaa che feeven la vardia durant el turn de nocc. I sò vestii seven ugual a chi che mennaven i sò compagn, el poeudeva vess recognoeussuu domaa da i sò armm e da el sò destree. In cavalleria e in fantozzeria lu el seva semper de vunn pass innanz a i olter: el seva semper el primm che el nava in battasg, el lassava el camp de guerra semper da ultemm. Ma nepunemanch tucc quiist presg lu el gh eva ancasi d i terribill deffett. La soa crudeltaa la toccava soeui de inumanitaa, lu el cognoeusseva mia la veritaa e gnanca la bontaa, el gh eva mia scagg d i dee, el tegniva mia i sgiurament, e el gh eva gnanca el respett ind i confront d i santuari”.

Quest chi l e el “retratt” de Anniball presentaa da i istorregh rommann. Lor descriveven la personalitaa de Anniball in mod parziall e poeugh obiettiv. Nepunemanch el faa che recognoeusseven el sò talent militee, lor seven semper adree a vegh pressa de mett in ciar i sò defett. Questa chi la poeudariss vess la consequenza d el tradizionall conservatisemm rommann. I istorregh rommann metteven semper in evidenza i presg d i rommann e la mancanza de lor ind i nemis.

Ind l istorriografia rommanna gh inn d i determinaa stereotipp in su Anniball, i che se viden ciarament in quell che el scriveva Titus Livius. L istorregh grecch Polibi l aa tentaa de desmenti ind i sò scrivuu d i accus da part d i otor rommann.

Quiist accus chi inn la sciattonanza, la crudeltaa, la cattivitaa sessuala e anca el cannibalisem. Polibi l aa scrivuu che i accus de sciattonanza lu i l aa sentii da i avversarii politegh, i Barchid e i Massiniss. In su la crudeltaa Polibi el diseva che el se poeud mia sgiudega la crudeltaa d el condottiee cont el fa finta de armarca mia i situazion ind i che l e stada aplicada. Sossen espression de crudeltaa de Anniball, descrivuu da i istorregh rommann, inn domaa d i ridicol artefizi i che desmenten lor istess, ma quaivunn d i quiist chi gh ann ona bas de veritaa. E poeu quiist otor fermen mia la lora attenzion in su i crudeltaa da part d i condottiee rommann.

Vitaa privada[Modifega | mudìfica 'l sorgènt]

In su la vitaa privada de Anniball el se sa poeugh. Qui Livius l aa dii che durant el period ind el che lu el seva in Hispania el s e maridaa cont ona iberega de casaa de Costolon, ma l aa mia faa el sò nomm. El pòeta Silius Italicus el ciama lee cont el nomm de Imilca. Anniball l aa lassaa lee in Hispania, quan l e partii per la campagna de Itaia e l aa pu viduu lee.

Tra i accus faa da i istorregh rommann ind i confront de Anniball, la ghe ancasi l accusa ind la cattiveria sessuala. Appian per esempi l accusava Anniball d el faa che “el s attorna s istess de amor e fastositaa” in Lucania, e iscambi Plinius el scriveva che in Puia la gh eva ona zittaa de nomm Salapia, cognoeussuda coma zittaa ind la che Anniball el gh eva ona prostituta particolara.

El talent de condottiee[Modifega | mudìfica 'l sorgènt]

Anniball l e vunn d i talent pussee grand d el mond antigh, che l aa contribuii fess ind el develupp de l art guerrera. La stratesgia de guerra de Anniball la seva prinzipalment quella de varuda la situazion politega-militera e dovra i partasg dent i armaa d el nemis; el faa inscii che esisten d i vii de comunicazion e di bas de fornidur seguu; ona bona organizazion d i esplorazion e on affiond studi d el camp de battasg e d el taiater d i azion de guerre; preparazion globala cont el segurament d i longh moeuvement d i armaa. Anniball el considerava coma fondament de la soa armada, i armaa de terra, la forza d attacch d i che la seva la cavalleria. I caratteristegh tipegh de la tattega de Anniball seven i bon cognoeussenz d el nemis e el save coma dovra i sò punt deboll; on attenta preparazion per el battasg; el tegni cunt d i particolaritaa d el determinaa sit. L espression pussee granda de l art guerrera de Anniball el seva staa el battasg de Canne, el che l e vegnuu ona noeuva tapa d el develupp de la tattega, el primm esempi de l attornament d i grand forz d el nemis e de la soa desfada.

Vision relisos[Modifega | mudìfica 'l sorgènt]

Durant el period de vitaa passa in Bitinia in su de lu Cornelius Nepott el scriveva: “Giontomm el faa che quest grand omm chi, occupaa in sossen campagn militee, el vanzava mia el temp per i studi, perchè poeu de lu restaven domaa i composizion in lengua grecca, comprenduu anca el liber adressaa a i ròdesitt in su i crimennde Gnaeus Manlius Vulson in Asia”.

El primm test cognoeussuu el seva el messasg de Anniball a i ròdesitt, ligaa a la politega de Gnaeus manlius Vulson in Asia Minora. El messasg el poeudeva mia vess scrivuu poeu el 189 a.C. e a quell punt li Vulson l aa tacaa su la guerra de Galazia. Anniball ind la soa lettera, el par che el tentava de tira l attenzion d i ròdesitt a i crudeltaa che seven adree a fa i soldaa rommann. El test el s e mia conservaa finna a i nòst temp. El s e conservaa domaa el messasg fard de Anniball a i atenes, scrivuu in su el papir el che incoeu l e tegnii a Hamburg. In questa lettera chi l otor da el nomm de Anniball el se presenta coma el “re d i cartsgines” e el invida de comenza el rebelott d i grecch contra Romma. I studios d incoeu inn ruvaa a la conclusion che quest document chi l e staa scrivuu tra el 190 e el 185 a.C. L e possibell che la lettera la seva stada scrivuda e l e stada spantegada subett poeu la mòrt de Anniball.

Memorria[Modifega | mudìfica 'l sorgènt]

Plinius Maior el scriveva che ind i sò temp( metaa d el primm secol) mia lontan da el sit in dova Anniball el s e suizzidaa, el se poeudeva anmò vide el bricch cont la soa tòmba. L istorregh bizantin Tsetsus el regoeurdava che durant la dominazion de Lucius Septimius Severus i che orisgin seven de l Afriga, el bricch l e staa covrii da foeura da el marmor bianch. Quest event el poeudeva verament vessegh staa perchè Septimius Severus ind i agn 193-195 el se troeuvava verament arent quiist sit qui, quan el seva adree a tegni de sig Bisanzi, in dova ghe seven chi che seven da la part d el sò rivall Gaius Pescennius Niger Iustus. L istorriografia rommanna, a parti da el Livius l aa descrivuu Anniball de caratteristegh da caricatura de criminall de guerra. On sit particolee ind i sò caratteristegh l e la perfidia, la che seconda l opinion d i rommann la se conzilliava cont i qualitaa tipegh de tucc i feniz( “la perfidia punega”). Questa denominazione chi poeu l e staa assozziaa proeuppi cont Anniball e proeuppi per quest motiv chi Ovidius el che viveva ind i temp de Ogust l eva mia el busogn de fa el nomm per fa inscii che i lesgioo capisenn in su de chi el se scriv. Coma olter lavoo on sit important ind la caratteristega de Anniball l e occupaa da la soa crudeltaa. Cicero el che el che el confrontava Anniball cont Pirros el metteva in contrast la crudeltaa d el primm cont el coeur dolz d el second. Ind l istess I secoll a.C. i scrittoo rommann confrontaven i temp d i guerr zivill e d i guerr de Anniball. Florus el diseva che i invasion de Pirrus e Anniball ann mennaa adree a l Itaia manch disgrazzi e desfazion de la guerra soziala. Cicero el confrontava la campagnia de Zesar a Romma ind el 49 a.C. cont la campagnia de Anniball e el ciamava Marcus Antonius coma el second Anniball, el che l aa inferii a l Itaia pussee brutt robb che d el sò predezessoo. Lucan iscambi l aa mettuu a confront el passasg de Anniball travers i Alp e la traversada de Zesar d el Rubicon, coma duu impres degn de quest nomm chi. Goracius el scriveva che Anniball el seva manch dansgeros respett a i guerr zivill i che segutaven a vessegh.

Cont el tacca su d el prinzipatt l immasgin de Anniball la comenzava de vegni semper pussee torbeda. La zittaa de Cartasgin la seva stada refada su da l inizzi ind el I secoll a.C. Quan l imperium rommann el viveva l epoca d el aposgee, el ghe seva pu el busogn l immasgin da scagg d el condottiee cartasgines, però se inn conservaa d i stereòtipp. Sgiamò Juvenalis el descriveva la storria d i espedizion de Anniball in mod ironegh e da fa ghigna. Ind l epòca d el classizzisem l immasgin de Anniball la seva mia sossen poppolee. L immasgin letteraria de Anniball la se retroeuvada serada ind i confin d ona vunega funzion idest la funzion de l eroe epigh che l e adree a moeuri ind l ultemm att. Lu el vegn regoeurdaa in l òpera de Pierre Corneille “Nicomed” e l e vunn d i personasg pussee important de l òpera de Tom Corneille “ la mòrt de Anniball”. Ancasi Marivaux l aa tentaa de descriv el trasgism interioo d el condottiee punegh, ma quest tentativ chi l e mia naa a bon fin.

Tra i XVIII e XIX secoll el soeuzzed on nett cambiament ind l interpretazion de la personalitaa de Anniball. Sgiamò Montesquieu ind i sò i “refflession in su i motiv de la grandezza e d el borla giò d i rommann l aa troeuvaa di someianz tra Cartasgin cont l Inglandia, contemporanea a lu. Chateaubriand l aa negaa quest confront chi cont el vegh faa d i parallelisem tra Anniball e el duca de Malboro. Ona revision concreta d el roll e d el significaa de Anniball l e soeuzzeduu durant l epòca de Napoleon. Questa revision chi l aa treouvaa terra fertila ind i pensee spantegaa fess durant chi temp li. El pittoo David ind l angoll a sinistra “Napoleon durant el passasg d i Alp travers el San Bernard” l aa scrivuu el nomm de Anniball e de Carl Magn. Vincenzo Monti in “ Prometee” ( 1797) l aa ciamaa Napoleon “ el second Anniball e el liberatoo de l Itaia”. L istess Napoleon, quan el se troeuvava ind l isla de Santa Elena el confrontava s istess cont Anniball. Domaa ind la seconda metaa d el XIX i storregh s inn interessaa de Anniball.

La letteratura artistega[Modifega | mudìfica 'l sorgènt]

Anniball l aa lassaa on grand march ind l art e la cultura, coma omm che l aa influii in su la storria de l Oeuroppa. La soa traversada d i Alp el resta vunn d i pussee monumentall impres militee de l antghitaa, el che l aa ispiraa sossen personn( comprenduu anca i artisti). A Anniball inn dedegaa d i romanz storregh coma “Anniball” de Jack Lindsey, “ Anniball el fioeu de Amilcar” Gheorghii Golia, “ I elefant de Anniball” de Aleksander Nemirovski, “Anniball” de Ross Leckie e anca “ mi navi cont Anniball” de Hans Bauman.

Referenz[Modifega | mudìfica 'l sorgènt]

  1. Baier, Thomas. 2004. Studien zu Plautus' Poenulus. P. 174
  2. Friedrich, Johannes, Wolfgang Röllig, Maria Giulia Amadasi, and Werner R. Mayer. 1999. Phönizisch-Punische Grammatik. P.53.
  3. Benz, Franz L. 1982. Personal Names in the Phoenician and Punic Inscriptions. P. 313—314
  4. 4,0 4,1 Brown, John Pairman. 2000. Israel and Hellas: Sacred institutions with Roman counterparts. P. 126—128