Anax imperator
![]() |
Quest articol chì l'è scrivud in lombard, con la Noeuva Ortografia Lombarda |
Anax imperator | ||||||||||||||||
---|---|---|---|---|---|---|---|---|---|---|---|---|---|---|---|---|
![]() El mas'c
| ||||||||||||||||
Stat de conservazion | ||||||||||||||||
Classifigazion sientífiga | ||||||||||||||||
| ||||||||||||||||
Nomm binomial | ||||||||||||||||
Anax imperator Leach 1815 |
Anax imperator Leach, 1815, o imperador comun, l’è ona specie de pestoch de la famija Aeshnidae.
Descrizzion
[Modifega | modifica 'l sorgent]Hinn di pestoch de grand dimension e i pussee grand d’Europa, con 66-84 mm de longhezza. I mas’c madur e quaivoeuna femina veggia hinn prenzipialment bloeu e vird; I femine e i mas’c sgiovin gh’hinn nò el bloeu e hinn soratut vird. I oeugg hinn vird-bloeu e di volte slavad de marron[1].
I mas’c ronden el sò territori costantement per difendell e descascià i competitor. I femine, in sgeneral, deponen i oeuv in de l'aqua senza el mas’c, che in alter specie el vola arent la femina in deposizzion o ne stà tacad fisicament[2].
Distribuzzion e habitat
[Modifega | modifica 'l sorgent]L’imperador comun el se troeuva in ona vasta area del Vegg Mond; l’è present in tucc l’Africa, la penisola araba, l’Asia centrala e in granda part d’Europa, indove el sò areal el se sta slargand sia vers i latitudin pussee alt sia in elevazzion, probabilment a causa del cambiament del clima global.
L’Anax imperator l’è ligad a aque ferme oppur a scorriment lent, coma lagh e aque morte, basta che sien grand assee e sossen contornad de piante erbadegh e sgionch[1][2].


Riferiment
[Modifega | modifica 'l sorgent]- ↑ 1,0 1,1 Klaas-Douwe B. Dijkstra, Libellule d’Italia e d’Europa, 2021, Ricca Editore, Roma, p. 172
- ↑ 2,0 2,1 IUCN Red List: Anax imperator (sgenee 2025)
Alter proget
[Modifega | modifica 'l sorgent]Wikimedia Commons el gh'ha dent imagin o alter archivi su Anax imperator
Wikispecies el gh'ha dent informazzion su Anax imperator