Amor e Psiche

Quest articol chì l'è scrivuu in lombard, grafia milanesa.

Amor e Psiche del François Gérard, 1798

Amor e Psiche (del latin Amor et Psyche), ciamaa ancasì Cupid e Psiche (del latin Cupido et Psyche) inn ona cobia che la compariss coma on tema antigh ind l’iconografia e la literadura. El nomm l’è anca deventaa la manera comuna per segnà i Metamorfes de l’Apulee (cognossu anca coma l’Asen dor), che l’è la version literaria pussee veggia de la storia de la cobia, scrija ind el secol II EC. El cunt el parla del soprament dei ostacoj a l’amor intra la Psiche (gregh antigh: Ψυχή, literalment “anema” o “fiaa de la vita”) e el Cupid (latin: Cupido, literalment “desideri”) o Amor, e l’union final sova de lor ind on mariozz sagraa.

Ancaben che l’unegh cunt estes de l’Antighitaa classega el saga quell de l’Apulee, l’Amor e la Psiche vegnen a voltra ind l’art grega giamò ind el secol IV iEC. I element neoplatonegh de la storia e i alusion ai religion de misteri ghe dann spazzi a tanc interpretazzion, e inn staj analizaa coma on’inlegoria e – per via de l’aspett folcloregh – coma on cunt de fad e on mitt.

A l’è vœuna di stori d’amor del mond greco-roman pussee popolar ind la cultura ozzidental, degià che la gh’ha ’vuu ona bella influenza ind i ultem duu milleni, e l’è staja interpretada e reelaborada con di media different, compagn de la literadura, i arc plastegh, la musega, el zine e la psicologia. L’è staj soratutt a partì del Renassiment che la s’è spantegada per tutta l’Europa, ma giamò de l’Antighitaa l’era on tema comun ind on quaj sitt del Mediterrani, in picciura, giojellaria e ind i relev funerari.

Ligamm de dent

• La bella e la bestia

Ligamm de fœura

Altri progetti

• Wikimedia Commons

• Wikimedia Commons el gh'ha dent imagin o alter archivi su Amor e Psiche