Ambrosiaster
 |
Quest articol chì l'è scrivud in lombard, con la Noeuva Ortografia Lombarda |
L'Ambrosiaster a l'è stad l'autor de 'n coment ai letere del Paol de Tars che per longh temp l'è stad atribuid al sant Ambroeus: el prim a meter in dubi l'atribuzzion a dàgh 'sto nom chi a l'autor a l'è stad l'Erasmo de Roterdam e gh'è stade varie ipotesi in su la soa identità, tant 'me quella de un consol che 'l se ciamava Ilari, de 'n sgiudee deventad cristian e poeu forsi tornad sgiudee e, infin, anca l'Ambroeus midem, che l'havaria podud scriver el test prima de vesser batezad e havégh poeu lavorad sora.