Alien Attack (artista de straa)
El Alien Attack l’è on artista de straa meneghin.
La soa òpera l’è componuu da ritrat de personagg del spettacol, de l’arte e de la cultura popolar associaa a di còrp che a creen on costrast divertent putost che desconsacrant e saritich.
Per creà i so mural, Alien Attack el droeuva di mascher (de sòlit ciamaa cont el nòmm ingles stencil); el gh’ha taccaa sòt a fà uso de 'sta tecnica chì in del 2010, de poeu d'havé vist el film Exit Through the Gift Shop de Banksy, l'artista de straa pussee famos del mond.
El nòmm d'art el vegn in del cors d'ona nòtt de occupazion d'on liceo milanes: sòta de l'effètt de sostanz psichedelich, di sò amis a l'hann scormagnaa "alien".