Alessandro Rapinese
|
Quest articol chì l'è scrivud in lombard, con la Noeuva Ortografia Lombarda |
| Alessandro Rapinese | |
|---|---|
 | |
| In carica | |
| Prencepe del mandad | 27 de sgiugn 2022 |
| Predecessor | Mario Landriscina |
| Informazion jenerale | |
| Prefiss onorifeg | Per. Ind. |
| Partid politeg | Independent |
| Titol de studi | Diploma de Perit Industrial Tessil |
| Profession | Agent imobiliar |
L'Alessandro Rapinese (Com, 26 de avril 1976) a l'è un politegh italian, sindegh de Com del 27 de sgiugn 2022.
Biografia[Modifega | modifica 'l sorgent]
Fioeul del Paolo Sandro e de la Maria Grazia Cattaneo, el se diploma in del 1995 'me perit industrial in del camp tessil e 'l studia per trii agn a la IULM, senza però laureàss.
El lavora per un para de agn in del setor tessil, in l'azienda de familia, per passà poeu al comercial in d'una soa azienda de informatega. In del 2002 el derva 'n agenzia imobiliar de che l'è a capo ancamò incoeu.
Carrera politega[Modifega | modifica 'l sorgent]
El se met dent de la politega scolastega sgiamò ai superior, e 'l entra in la politega de circoscrizzion apena rivad a la magior età. El deventa consejer comunal in del 2008 con la lista civega "Area 2010", dopo che 'l so candidad sindegh, elesgiud in del 2007, el se dimet, a lassà spazzi al prim di no elesgiud.
In del 2012 el corr con do liste civeghe, e 'l ciapa 3945 vot, o ben el 9,83%. In del 2017 el corr ancamò con la soa lista, che la riva prima 'me scerne, a ciapà el 23% di preferenze, ma ghe riva no al ballotagg.
El riva al ballotagg in di elezzion del 2022 cont el 27,32% di preferenze, a superà el candidad de center-destra, e l'è elesgiud infin sindegh al ballotagg del 26 de sgiugn contra la Barbara Minghetti de center-sinistra, a la soa terza candidatura, cont el 55% di vot.