Alberto Airoldi
L'Alberto Airoldi (Erba, 1893 - Milan, 1977) l'è staa on poeta e politegh italian.
Anca se l'è semper vivuu a Milan (anca del pont de vista coltural: l'era amis del Giovanni Barrella), l'Airoldi l'ha semper scrivuu in del dialett brianzoeu de cà soa.
La soa poesia l'è dedicada despess ai fiumm e a l'aqua in general, portadora de civiltà; ma anca, con la poesia Ol mè dialett, a l'importanza e la bellezza de la lengua local.
In del 1928 l'ha fondaa, insemma al fradell Federico, el teater a l'avert Licinium de Erba, ancamò in pee incoeu.
L'è staa anca el Podestà de la soa città e l'è staa sospettaa, in 'sto roeul, de avè segnalaa di giudee ai autorità.
Esempi de poesia[Modifega | modifica 'l sorgent]
I primm tre stroff de la poesia Ol mè dialett
Al sent d'erba e da lagh ol mè brianzoeu
d'ombria e da làor, da quand pioeuv sui strad:
e par c'al sona da muggiad da boeu
e da carett ca solta in sui risciad.
Cargaa d'antigh paroll pienn da savor
al trona e al zirla, e sa t'al lassat nà,
al gh'ha ancamò la danda dal descor
d'i temp indree, d'i pà d'i nostar pà.
Al prefuma ogne bosch, ogne cassina,
lassandas giò dal Palanzon al pian,
e, benedii parrioeu, gent e farina,
al va a pondass sui labbar d'i paisan.
Lé 'l sa vistess da vos e da pensee
e in d'i tosann al ga zabétta in bocca:
o 'l spara in d'i bestèmm d'i carettee
o, cont ol ven, al ga dà saa a la ciocca.
[...]
Bibliografia[Modifega | modifica 'l sorgent]
- AA. VV. Antologia dei poeti nelle lingue e nei dialetti lombardi dal Medioevo al XX secolo, Milan, Libri Schweiler, 2006.
- Alberto Airoldi, (a cura di E. Mauri), Poesie scelte, Cattaneo editore, 2015.
- Zeno Celotto (a cura di), Poesia d'ombra e de lus. La Brianza di Giuseppe Croci, Seregn de la memoria, 2023.