Œuv (majà)

Quest articol chì l'è scrivuu in lombard, grafia milanesa.

Parnonzia Milanesa del nomm

El rossumm d'on œuv cru

Ij œuv che vegn di usej domestegaa, soratutt quij de gajna, fann part del mansgià de tucc i dì di uman, e anca de tanc animaj, grazzia a la sova fazil digestion e al so volt contegnuu proteich.

Variedaa

L'œuv de la pitta l'è de segur el pu cognossuu e 'l pu consumaa de tucc, però intra quij pussee comun besogna anca noverà quell de aneda, quell de polla, e quell de struzz che l'è putost grand e 'l po rivà a pisà püssee de 13 ett.

Parvenza

El contegnuu de l'œuv l'è quattaa del guss, che, de sollet, l'è besg o bianch de color. L'œuv el gh'ha on cuu e 'na guzza. Fà cunt de balanzà on œuv in su 'l so cuu l'è ben dura, e squas impossibel, senza ris'cià de s'ceppall. Ona vœulta s'ceppaa 'l guss, dent de l'œuv trœuvom tutt intorn el carlamm, on film bell sottil, e dent del carlamm gh'emm pœu 'l ciar che l'è ricch de protein, e in fin el rossumm cont chel so tipegh color ross naranz.

Us Culinari

Tond d'œuv

Ij œuv hinn bon de fà tanc piatt, coma per esempi, ij œuv a la coch, ij œuv in cereghett, ij œuv strepazzaa, etc. Ij œuv servissen anch in del fà la majones, la briosc, e, per l'appont, la pasta a l'œuv.

Ris'c per la Salut Umana

Ij œuv hinn la font la pu comun de salmonella. La reson l'è che rest de escrement del cuu de la gainna poden 'gnì a contatt cont i tocch intern de l'œuv, e, se majaa fœura cru poden fà on gran maa a la salut.

Insci de ris'cià mo, a l'è mej fà insci:

• Consumà œuv cruu domà quand che vun l'è segur che sien ben nett.
• Nettà ben ij œuv innanz de majàj.
• Fa ben attenzion che, ona vœulta overt, ij œuv hinn minga a contatt cont el sporch de gajna.

Fatt Curios

• L'œuv l'è la cellula animal, la pu granda, cognossuda in su la terra al didincœu.