Biblioteca Ambrosiana
(Rimandad de Bibliotega Ambrosiana)
|
Quest articol chì l'è scrivud in lombard, con la Noeuva Ortografia Lombarda |
La Biblioteca Ambrosiana a l'è 'n istituzzion colturala eclesiastega che la gh'ha dent una biblioteca, una pinacoteca e 'n academia de studi voluda del Federigh Borromee e mituda del 1609 in del Palazz de l'Ambrosiana.
Dent se troeuven test e liber de un frach de colture, tant che el Galileo Galilei l'haveva ciamada "eroica et immortal libreria": in total gh'è circa 30'000 stampad e 8'000 manoscrit, in tra de lor l'Ilias Picta, che ghe partegniva al Gian Vincenzo Pinelli, l'antifonari de Bangor, el De prospectiva pingendi del Piero della Francesca, un Vergili del Petrarca che l'era dent a la Biblioteca vescontee sforzesca e la mapa chinesa del Giulio Aleni.
Ligam de foeura[Modifega | modifica 'l sorgent]
Alter proget[Modifega | modifica 'l sorgent]
Wikiquote el gh'ha dent citazzion de o su Bibliotega Ambrosiana
Wikimedia Commons el gh'ha dent imagin o alter archivi su Bibliotega Ambrosiana
