Wikipedia:Nissun atach personal

Quest articol chì l'è scrivud in lombard, con la Noeuva Ortografia Lombarda

In su la Wikipedia se comenta mai l'autor, ma domà quell che l'ha scrivud! Sta minga lì a tacà vun per quell che l'è, sedenò te see 'n poo 'n pirla.

I atach personai inn un dann per la comunità, caven via temp a la ministrazzion e quei che i fann, inveci de sta lì a scriver in su la Wikipedia, stann lì a tacà lit. Per quella reson chi quei che fann di atach personai poden vesser reciamad, amonid o anca blocad, a temp o per semper in di cas pussee gram.

Discuter in manera civil a l'è a la bas de la Wikipedia. L'important, apont, a l'è concentràss in su quell che se scriv, e no in su quei che 'l scriven.

A gh'è nagot de mal a dì "pensi che l'articol X el sibia 'na ricerca original perchè Y" o "credi che gh'hem de scassà l'articol X perchè Y", ma a l'è malfà dì "el tò articol el fa schivi perchè te see 'n milanista de l'ostia" o "speri che te blochen perchè te sèe 'n anarchich del menga".

'n oltra roba de evità a l'è el sarcasmo, soratut cont i utent che te cognossen no. Un cunt a l'è scherzà cont un amis, 'n alter cunt fàll cont un noeuv utent: el podaria sentìss tacad.