Wiener Schnitzel

De Wikipedia
Va a: navegá, truvá
Wiener Schnitzel

La Wiener Schnitzel l'è na cutuleta de carna de büscin impanada. L'è 'l piat fort de la cüsina vienesa e l'è cugnussüda in tüt 'l mund. Int i paes Latin, suratüt de l'America Latina, l'è inscambi cugnussüda cunt 'l nom de (Cutuleta a la) "Milanesa".

L'Istoria e 'l Nom[Mudifega | mudìfica 'l sorgènt]

El termen „Wiener Schnitzel“ l'è staa druaa la prima völta a la fin del 19° secul int un liber de cüsina de'l 1884. Int 'l famus liber de cüsina tudesca meridiunala de la Katharina Prato chel piat chi 'l vegn ancamò ciamaa „eingebröselte Kalbsschnitze“ (cutuleta de büscin impanada) in de'l 1907.

Anca se minga 100% desegür, a l'è assee prubabel che la Wiener Schnitzel la vegna de la Custuleta a la milanesa, anca se quist'ültema l'è püssee spessa e la vegn minga preparada cunt la farina, ma dumà cunt 'l pan poss, e la sia riada a Viena giamò in de'l 15° secul. Pö gh'è la legenda che 'l Radetzky l'abia menaa lü la rezeta a Viena in de'l 1857. El lenguista Heinz Dieter Pohl l'ha però dii, int'l 2007, che quela storia chi l'è stada inventada.

Rezeta e Preparaziun[Mudifega | mudìfica 'l sorgènt]

Tajà la carna de büscin a toch, spetasciàla ben benun cunt el dedree de na padela e pö passàla in de la farina. Rürà i öf cunt una cügiara (senza giuntagh negot d’olter) e sbrisà ’l pan poss cunt una gratiröla. Mujà la cutuleta in de l’öf sbatüü e pö passà tüt e do i band in de’l pan poss. Scoldà un toch bel grand de büter in d’una padela e pö metegh dent la cutuleta. Lassàla cös trii mignüü, sia de na banda che de l’oltra, u finché l'è bela durada. La se po servì cunt una feta de lemun e un puu de erburin e cumpagnada de pom de tera frit e ketchup. In del acüsina tradiziunala vienesa, la vegn però servida cunt latüga e insalada de pom de tera.