Vincent Price

De Wikipedia
Lumbard ucidental Quest articol chì l'è scrivuu in lombard, grafia milanesa.
El Vincent Prince in di pann de Mr. Manningham in Angel Street

El Vincent Leonard Price Jr. (27 de Magg del 191125 de Ottober del 1993) a l'è staa on attor american de film de spavent. Per i sò maner da aristocratigh, elegant, la soa statura vòlta (1.93 cm) e la soa vos particolar l'è regordaa come vun di attor pussee bravi del genere de l'orror.

Biografia[Modifega | modifica 'l sorgent]

L'è nassuu a St. Louis, in del Missouri. El sò nònno l'aveva inventaa ona crema de lievito tartaro che gh'ha faa la fortuna de la soa famiglia. Vincent inscì l'è staa bon de frequentàa scoeul important, comè l'Università de Yale, indovè che l'ha studiaa i bei art e poeu l'è andaa a studià a Londra indovè l'ha incominciaa a fà teater.
In del 1938 l'ha taccaa a lavorà in del cinema comè attor , ma l'è staa domà in del 1948 quand l'ha faa la vos de l'òmm invisibil che l'ha cominciaa la soa carriera in del genere de l'orror, che l'ha faa diventà famos.
Da lì inanz l'ha taccaa a fà tucc i film de fà stremì i gent, trai quai La vendèta del Dottor K., La cà di fantasma, L'ultim òmm in sù la tera, El sgorbatt e La mascara de cera, che l'è staa vun di primm film in 3D.


Ligamm de foeura[Modifega | modifica 'l sorgent]

Wikimedia Commons
al gh'a dent roba culegada a: