Via Crucis

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa ünificàda Lombard oriental


La Via Crucis (manèra de dì latina che la völ di la Via de la Crus) l’è ü rito religiùs cristià che l’ regórda la caminàda dolorùza ‘nfina al Golgota e pò la crocefisiù e la mórt de Nòst Signùr.

La Via Crucis la se tè de sólet al venerdé, ‘l dé che l’è mórt ol Signùr, e suradetöt ol Venerdé Sant e la piö cognusìda de töte l’è la Via Crucis de Roma che la se té al Coloséo e l’è óficiàda dal Papa; de sólet l’è trasmetìda, via televisiù, ‘n töt ol mónt.

La Via Crucis l’è facia da quatórdes stasiù e ögnöna de chèste stasiù i regórda ü momènt importànt de la Pasiù de Nòst Signùr.

I quatórdes stasiù del a Via Crucis de la cèsa de Notre-Dame-des-Champs, Avranches, Fransa.

I quatórdes stasiù de la Via Crucis tradisiunàla[Mudifega | mudìfica 'l sorgènt]

  • stasiù I: ‘l Gezü l’è condanàt a mórt
  • stasiù II: ‘l Gezü l’è cargàt de la crus
  • stasiù III: ‘l Gezü ‘l trèca ‘n tèra per la prima ólta
  • stasiù IV: ‘l Gezü l’incóntra so màder
  • stasiù V: ‘l Gezü l’è ötàt dal Cireneo a portà la crus
  • stasiù VI: la Veronica la ghe süga ‘l müs al Gezü
  • stasiù VII: ‘l Gezü ‘l trèca ‘n tèra per la segónda ólta
  • stasiù VIII: ‘l Gezù l’ incóntra i dòne de Gerüzalèm chi piàns per lü
  • stasiù IX: ‘l Gezü ‘l trèca ‘n tèra per la tèrsa ólta
  • stasiù X: ‘l Gezü l’è caàt fò di sò estìcc
  • stasiù XI: ‘l Gezü l’è ‘nciodàt a la crus
  • stasiù XII: ‘l Gezü ‘l mör sö la crus
  • stasiù XIII: ‘l Gezü l’è tiràt zó da la crùs e consegnàt a sò màder
  • stasiù XIV: ‘l Gezü l’ vé metìt dét in del sepólcro