Valerian el Giovin
El Publi Licini Valerian, conossuu anca 'me Valerian el Giovin (Publius Licinius Valerianus o Valerianus Minor in Latin; fl. 265-268) l'era el fioeu minor de l'imperador roman Valerian e 'l fradell de l'imperador Gallien. Ai volt l'è sconfonduu col nevod, Corneli Valerian, fioeu del Gallien.
La vita[Modifega | modifica 'l sorgent]
L'Historia Augusta la dis che 'l Valerian l'era on omm puttost bell, modest, ricch de coltura e de virtù: per 'si reson, menter el fradell pussee grand l'eva ciappaa el titol de August, a lù inveci gh'era staa daa quell de Ceser. Ma gh'è minga alter testimonianz de 'sti dò carigh, donca i storigh del dì d'incoeu pensen che 'sta testimonianza la sia minga tanto vera.
De sigur però l'è staa consol in del 265 insema a on certo Luzili. Probabilment l'è mort in del 268, quand che la famiglia del Gallien l'è stada sterminada di sò nemis. L'Historia Augusta la cunta sù che per vorè del Claudi II, el Valerian l'è staa sevellii a Milan, in d'ona tomba che la gh'eva la scritta VALERIANUS AUGUSTUS.
Bibliografia[Modifega | modifica 'l sorgent]
- Historia Augusta
- John Bray: Gallienus: A study in reformist and sexual politics, Wakefield Press.