Tre vai ambrosiann
I tre vai ambrosiann (italian: tre valli ambrosiane) hinn quei zonn del Canton Tesin a nord de Belinzona che, ancamò al dì d'incoeu, doperen el ritt ambrosian in di sò mess.
Coresponden al territori de la Leventina, de la Val de Bregn, de la Riviera e di comun de Molen, Pronz, Gnosca, Tesseree e Brissagh.
Quei vai chì partegniven, al temp di longobard, al contad de Stazzona. Intorna al 948 el vescov Aton de Vercei el gh'ha ceduu i vai ai canonegh de Sant Ambroeus de Milan (anca se gh'è on quai storegh che 'l sostegn che 'l se tratta d'on fals). Anca se cont el passà del temp quei terr hinn passaa ai Svizzer (prima de tutt la Leventina), hinn restaa ligaa a l'arcidiocesi de Milan, fina a la nassida de quella de Lugan.
Bibliografia[Modifega | modifica 'l sorgent]
- Gian Piero Bognetti, Le pievi delle valli di Blenio, Leventina e Riviera / estratto da Archivio storico della Svizzera italiana. - 1941, anno 16, fasc. 2
- Adriano Cavanna, Giulio Vismara, Il Patto di Torre: febbraio 1182: gli antecedenti e la formazione della comunità di Val Blenio, Repubblica e Cantone del Ticino, Bellinzona 1982.
- Gerolamo Biscaro, Le origini della signoria della Chiesa metropolitana di Milano sulle valli di Blenio, Leventina e Riviera, nell'alto Ticino in: Bollettino Storico della Svizzera Italiana, Anno 32 (1910), Bellinzona 1910, 32-71.