Tirabuscion

De Wikipedia
Lumbard ucidental Quest articol chì l'è scrivuu in lombard, grafia milanesa.
On tirabuscion tradizzional.

El tirabuscion o cavabuscion l'è on arnes doperaa per tirà foeura del coll di botegli (in gener de vin) on buscion, de legnazz o de plastega, per dervì el contegnidor.
De solet a l'è faa de azzal, opura de loton, e quai voeulta el gh'ha di part in legn (tant 'me el manegh).

El nomm[Modifega | modifica 'l sorgent]

El termen tirabuscion l'è on francesism, derivaa de l'espression tire bouchon. L'è doperaa anca in alter lenguagg neolatin, tant 'me el sicilian (tirabusciò), el catalan (tirabuixó) e 'l piemontes (tirabosson).